ज्येष्ठ लेखक सलीम खान यांची तब्येत बिघडली; लीलावती इस्पितळात दाखल; वडिलांच्या काळजीने भाईजानची इस्पितळात धाव

बॉलिवूड सुपरस्टार सलमान खानचे वडील आणि चित्रपटसृष्टीतील ज्येष्ठ पटकथा लेखक सलीम खान यांची प्रकृती अचानक बिघडल्यामुळे त्यांना मुंबईतील लीलावती रुग्णालयात दाखल करण्यात आलं आहे. वडिलांच्या आजारपणाची बातमी मिळताच सलमान खान तातडीने रुग्णालयात पोहोचला. .सलीम खान यांना रुग्णालयात दाखल केल्याचं समजताच सलमान खान त्याची सर्व कामं सोडून लीलावती रुग्णालयात पोहोचला. सोशल मीडियावर समोर आलेल्या व्हिडिओंमध्ये सलमान खान अत्यंत चिंतेत दिसत आहे. यावेळी त्याच्याभोवती कडेकोट सुरक्षा व्यवस्था पाहायला मिळाली. सलमानच्या चेहऱ्यावरील काळजी पाहून त्याचे चाहतेही सलीम खान यांच्या आरोग्यासाठी प्रार्थना करत आहेत..सलीम-जावेद जोडीचा सुवर्णकाळसलीम खान यांची गणना बॉलिवूडमधील सर्वात प्रभावशाली लेखकांमध्ये केली जाते. त्यांनी जावेद अख्तर यांच्यासोबत मिळून 'सलीम-जावेद' या जोडीने भारतीय चित्रपटसृष्टीला 'शोले', 'दीवार', 'डॉन', 'जंजीर', 'त्रिशूल' आणि 'सीता और गीता' यांसारखे अनेक अजरामर आणि सुपरहिट चित्रपट दिले आहेत. लेखनासोबतच त्यांनी सुरुवातीच्या काळात अभिनयातही नशीब आजमावले होते. .वैयक्तिक जीवन आणि कुटुंबसलीम खान यांनी पहिले लग्न सलमा खान यांच्याशी केलं. त्यांना सलमान, अरबाज, सोहेल आणि अलविरा ही मुले आहेत. तसेच त्यांनी अर्पिताला दत्तक घेतले आहे. १९८१ मध्ये सलीम खान यांनी ज्येष्ठ अभिनेत्री हेलन यांच्याशी दुसरं लग्न केलं. सुरुवातीला या लग्नामुळे कुटुंबात काही मतभेद होते, मात्र आता संपूर्ण कुटुंब एकत्र आणि गुण्यागोविंदाने राहते..आता दुसऱ्यांदा बांधली लग्नगाठ पण का मोडलेला अपूर्वा नेमळेकरचा संसार; म्हणाली- ज्याच्यावर विश्वास ठेवला त्याने... .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.