'नटरंग'नंतर १७ वर्षांनी 'ती' येतेय; रवी जाधव यांच्या 'फुलवरा' चा जबरदस्त टीझर प्रदर्शित, 'या' दिवशी थिएटरमध्ये धडकणार

लावणी म्हणजे महाराष्ट्राची शान आहे. या संत भूमीत कलेला खरी दाद मिळाली. लावणी म्हटलं की अदा, अदब आणि नजरेनेच घायाळ करणं. लावणीचा फाड लागला की घुंगरांचा आवाज ऐकून अनेक पावलं आपोआपच त्या दिशेने चालू लागायची. मराठी सिनेसृष्टीत अनेक लावणीवर अनेक सिनेमे सादर करण्यात आले. 'पिंजरा' असो किंवा १७ वर्षांपूर्वीचा 'नटरंग'. लावणीला प्रेक्षकांनी कायमच भरभरून प्रतिसाद दिलाय. रवी जाधव यांच्या 'नटरंग' सिनेमाने तर इतिहास रचला होता. आता रवी जाधव याच लावणीला आणखी एक साज चढवणार आहेत. रवी जाधव यांच्या 'फुलवरा' सिनेमाचा पहिला टीझर नुकताच समोर आलाय.