मराठीसोबतच हिंदी चित्रपटसृष्टीत आपल्या अभिनयाचा ठसा उमटवणारा लोकप्रिय अभिनेता रितेश देशमुख आणि त्याची पत्नी व अभिनेत्री जिनिलिया देशमुख प्रेक्षकांचे अत्यंत लाडके आहेत. त्यांची जोडी एक आदर्श जोडी म्हणून ओळखली जाते. त्यांचं वागणं कायमच प्रेक्षकांना भुरळ घालणारं असतं. त्यांची वागण्या- बोलण्यातली अदब पाहून नेटकरी कायमच त्यांचं कौतुक करत असतात. १० वर्ष एकमेकांना डेट केल्यानंतर त्यांनी लग्नगाठ बांधली होती. त्यांच्यासोबतच त्यांच्या मुलांचं देखील कायमच सोशल मीडियावर कौतुक होत असतं. आता रितेश आणि जिनिलियाच्या मोठ्या लेकाने मोठं यश मिळवलं आहे.