Mufasa Movie : आर्यन, सुहाना पाठोपाठ अबरामचंही सिनेविश्वात पदार्पण , मुफासा सिनेमासाठी करणार भाऊ-वडिलांबरोबर काम

शाहरुख खान आणि त्याची दोन्ही मुलं आर्यन खान आणि अबराम खान पहिल्यांदाच मुफासा सिनेमाच्या निमित्ताने एकत्र काम करत आहेत. या सिनेमातून शाहरुखचा धाकटा लेक अबराम सिनेविश्वात पदार्पण करतोय. मुफासा या सिनेमाच्या हिंदी व्हर्जनसाठी अबराम त्याचे वडील शाहरुख आणि मोठा भाऊ आर्यन बरोबर हिंदी मध्ये डब करतो आहे. शाहरुख या सिनेमात मुफासाच्या वयस्कर रुपाला आवाज देणार आहे तर आर्यन सिम्बा या भूमिकेला आवाज देणार आहे तर अबराम लहान मुफासाला आवाज देणार आहे. शाहरुख खान आणि आर्यनने या आधी लायन किंग या २ ० १ ९ साली रिलीज झालेल्या सिनेमासाठी डबिंग केलं होतं.

मुफासा सिनेमाचा ट्रेलर नुकताच सोशल मीडियावर रिलीज करण्यात आला. ट्रेलरमधील अबरामचा वाचिक अभिनय पाहून अनेकजण त्याच्या प्रेमात पडले आहेत. तर शाहरुखने मुफासाचा विनोदी अंदाजही या सिनेमात पाहायला मिळणार आहे.

पहा ट्रेलर :

या सिनेमाबद्दल बोलताना शाहरुखने एका मुलाखतीमध्ये सांगितलं कि,"मुफासाला एक अतुलनीय वारसा आहे आणि तो जंगलाचा राजा म्हणून उभा आहे, त्याचा मुलगा सिम्बाला तो त्याच्याजवळ असलेलं ज्ञान देतो. एक वडील म्हणून मी या पात्रांशी जोडला गेलो आहे. चित्रपटातील मुफासाच्या प्रवासही मला जवळचा वाटतो. 'मुफासा: द लायन किंग', मुफासाचे बालपणापासून ते एक अविश्वसनीय राजा म्हणून उदयापर्यंतचे जीवन चित्रित करते आणि या पात्राची पुनरावृत्ती करणे अपवादात्मक आहे. डिस्नेसोबत माझ्यासाठी हे विशेष सहकार्य आहे, विशेषत: माझी मुले, आर्यन आणि अबराम या प्रवासाचा भाग आहेत आणि त्यांच्यासोबत हा अनुभव शेअर करणे खरोखर अर्थपूर्ण आहे."

या ट्रेलरमध्ये मुफासाचे मित्र सिम्बाला त्याच्या वडिलांच्या बालपणीची गोष्ट सांगताना दिसत आहेत. मुफासा आणि राजकुमार स्कारची गोष्ट या सिनेमात पाहायला मिळेल. एक अनाथ मुलगा जंगलाचा राजा कसा बनला याची गोष्ट या सिनेमात दाखवण्यात आली आहे. मुफासा द लायन किंग हा सिनेमा २ ० डिसेंबर २ ० २ ४ ला रिलीज होणार आहे.