'राजा राणीची गं जोडी' या मालिकेतून घराघरात पोहोचलेली लोकप्रिय अभिनेत्री शिवानी सोनार लवकरच लग्नबंधनात अडकणार आहे. गेल्या काही महिन्यात अनेक मराठी कलाकारांनी चाहत्यांना गुड न्यूज दिल्या. कुणी आपल्या गर्लफ्रेंडसोबत लग्नगाठ बांधली तर कुणी आपल्या प्रेमाची जाहीर कबुली दिली. आता त्यात आणखी एक अभिनेत्री जोडली जाणार आहे. शिवानी आणि अभिनेता अंबर गणपुळे याच्याशी लग्नगाठ बांधणार आहे. तिच्या लग्नापुर्वीच्या विवाहविधींना सुरुवात झालीये.