Bollywood Entertainment News : बॉलिवूडमध्ये सलमान खानसोबत 'लकी: नो टाइम फॉर लव' या चित्रपटातून पदार्पण करणारी अभिनेत्री स्नेहा उलाल आता पुन्हा एकदा मोठ्या पडद्यावर कमबॅक करणार आहे..'साको ३६३' या हिंदी चित्रपटातून ती पुनरागमन करीत आहे. या चित्रपटात ती अमृता बिश्नोई यांची व्यक्तिरेखा साकारीत आहे. पर्यावरण, झाडे आणि प्राणी यांच्या रक्षणासाठी राजस्थानमधील बिश्नोई समाजातील शूर महिला अमृता बिश्नोई यांच्या संघर्ष आणि सर्वोच्च बलिदानाच्या सत्य घटनेवर आधारित हा चित्रपट आहे. आता नुकताच या चित्रपटाचा टीझर प्रदर्शित झाला आहे..एक मिनिट तीस सेकंदाच्या टीझरमध्ये सुरुवातीलाच हा चित्रपट सत्य घटनांवर आधारित असल्याचे सांगण्यात आले आहे. पर्यावरण, झाडे आणि प्राण्यांचे रक्षण आपला धर्म मानणाऱ्या बिष्णोई समाजाने झाडे तोडण्यापासून त्यांना वाचवण्यासाठी आपल्या प्राणांची आहुती दिली, ज्याचे नेतृत्व बिष्णोई समाजाच्या शूर महिला अमृता बिश्नोई यांनी केले. .बॉलिवूडमधील 'या' बोल्ड अभिनेत्रीबरोबर झाला होता रवी शास्त्रींचा साखरपुडा ; ब्रेकअप झाल्यावर म्हणाले...टीझरमध्ये स्नेहा उलाल अमृता बिश्नोईच्या भूमिकेत दमदार दिसत आहे. टीझरच्या शेवटी महिला आणि मुलांवर झालेल्या अत्याचाराचे चित्रण हृदयस्पर्शी आहे. रामरतन बिश्नोई आणि विक्रम विश्नोई म्हणाले, "पर्यावरणासाठी बिष्णोई समाजाच्या त्यागाची ही कहाणी चित्रपटाच्या माध्यमातून प्रेक्षकांपर्यंत पोहोचेल. ही अत्यंत महत्त्वाची घटना आहे, ज्याची फार कमी लोकांना माहिती आहे. या चित्रपटाच्या माध्यमातून संपूर्ण जगाला समजेल की 300 वर्षांपूर्वी एका धाडसी महिलेने झाडांच्या रक्षणासाठी आपल्या प्राणांचे बलिदान दिले. हे या चित्रपटातून जगाला कळेल. या पिढीला त्यांचे पूर्वज पर्यावरण प्रेमी, त्यांच्या सर्वोच्च बलिदानाबद्दल आणि बिश्नोई समाजातील 363 पर्यावरण प्रेमींबद्दल माहिती होईल" .या चित्रपटाचे निर्माते मुकम पीठाधीश्वर आचार्य स्वामी रामानंदजी महाराज, रामरतन बिश्नोई, रामलाल भादू आणि विक्रम बिश्नोई आहेत. श्री जांभेश्वर पर्यावरण आणि वन्यजीव संरक्षण राज्य संघटनेच्या बॅनरखाली निर्मितया चित्रपटाचे निर्माते रामरतन बिश्नोई आणि विक्रम विश्नोई आहेत आणि मनोज सती हे क्रिएटिव्ह डायरेक्टर आहेत. या चित्रपटात स्नेहा उलालसह गवी चहल, मिलिंद गुणाजी, फिरोज इराणी, ब्रिज गोपाल, राजेश सिंग, शाजी चौधरी, साहिल कोहली, नटवर पराशर, ब्रिज गोपाल यांच्या मुख्य भूमिका आहेत. पुढील वर्षी हा चित्रपट प्रदर्शित होणार आहे..Marathi Movie : भ्रष्टाचारावर भाष्य करणारा निर्धार सिनेमाचं शूटिंग पूर्ण ; या कलाकारांच्या मुख्य भूमिका .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
