Vikrant Messey : विक्रांत मेस्सीने हातावर काढला मुलाच्या नावाचा टॅटू

अभिनेता विक्रांत मेस्सी अलीकडे त्याच्या ‘१२वी फेल’ चित्रपटामुळे चर्चेत होता. त्याच्या या चित्रपटाने बॉक्स ऑफिसवर चांगलीच कमाई केली. गेल्या महिन्यातच त्याला मुलगा झाला. अशातच त्याने त्याच्या मुलावरील त्याचे असलेले प्रेम एका वेगळ्या पण भावुक पद्धतीने दाखविले आहे.

विक्रांतने त्याच्या इन्स्टाग्राम हॅण्डलवर एक स्टोरी शेअर केली आहे. त्‍यामध्ये त्याने त्याच्या हाताचा फोटो पोस्ट केला होता, ज्यावर इंग्रजित त्याच्या मुलाच्या नावाचा आणि जन्मतारखेचा ‘वरदान, ०७-०२-२०२४’ असा टॅटू होता. फोटोसोबत त्याने लिहिले की, ‘‘ॲडिशन की ॲडिक्शन? मला ते दोन्ही आवडतात.’’

७ फेब्रुवारीला बाळाच्या जन्मानंतर २३ फेब्रुवारीला विक्रांत आणि शीतलने इन्स्टाग्रामवर एका पोस्टद्वारे त्यांच्या बाळाचे नाव उघड केले. त्यांनी बाळाची अशी झलक देणारा एक मोहक कौटुंबिक फोटोदेखील पोस्ट केला होता. त्यांनी लिहिले, ‘‘आशीर्वादापेक्षा कमी नाही... आम्ही त्याचे नाव वरदान ठेवले!!!’’