well done aai movie review
ESAKAL
आई-मुलगा आणि आई-मुलगी या नात्याची तुलना कोणत्याच नात्याबरोबर होऊ शकत नाही. या नात्यामध्ये कधी कधी संकटे आली किंवा एखादा मोठा प्रसंग उभा राहिला तरी नात्यातील गोडवा आणि आपुलकी कधी कमी होत नाही. आई आणि मुलगा यांच्या नात्यातील जिव्हाळा, आपुलकी आणि प्रेम कधी कमी होत नसतं. आता प्रदर्शित झालेला दिग्दर्शक शंकर धुलगुडे यांचा 'वेल डन आई' हा चित्रपट आई आणि मुलाच्या भावविश्वावर बेतलेला आहे. आई आणि मुलाच्या नात्याची सुंदर अशी माळ या गुंफण्यात आली आहे. ही नात्याची माळ गुंफताना कौटुंबिक नातेसंबंध, त्यातील हेवेदावे, रुसवेफुगवे, मानापमान वगैरे बाबी दिग्दर्शकाने उत्तमरीत्या टिपलेल्या आहेत. आपली संस्कृती आणि आपले नातेसंबंध दर्शविताना आपण कसं जगतो यापेक्षा आपण कसं वागतो हेदेखील दिग्दर्शकाने या चित्रपटातून सांगण्याचा प्रयत्न केला आहे.