gauri kulkarni
esakal
गेल्या काही महिन्यात अनेक मराठी कलाकारांनी लग्नगाठ बांधली. त्यात आता आणखी एका अभिनेत्रीला लग्न करायचं आहे. ही अभिनेत्री आहे 'आई कुठे काय करते' फेम गौरी कुलकर्णी. 'आई कुठे काय करते' मालिकेने गौरीला घराघरात ओळख मिळवून दिली. मात्र तिचा हा प्रवास मुळीच सोपा नव्हता. गौरीने बीडमधून येऊन मुंबईसारख्या शहरात स्वतःचं बस्तान बसवलं. स्वतःची ओळख निर्माण केली. इंडस्ट्रीमध्ये काम मिळवणं मुळीच सोपं नाहीये असं ती एका मुलाखतीत म्हणालीये. सोबतच तिला आता लग्न करायचं आहे असंही ती म्हणालीये. याच मुलाखतीत तिने लग्न करण्याचं कारणही सांगितलंय.