ब्रिजेश सिंह
Brijeshbsingh@gmail.com
कृत्रिम बुद्धिमत्ता आता आपल्या पोलिस व्यवस्थेचा एक अविभाज्य भाग बनण्याच्या मार्गावर आहे. हे तंत्रज्ञान गुन्हेगारी रोखण्यापासून ते गुन्ह्यांचा तपास जलद गतीने पूर्ण करण्यापर्यंत अनेक क्षेत्रांमध्ये क्रांती घडवून आणत आहे. मात्र या तंत्रज्ञानाचा वापर अत्यंत जबाबदारीने, विचारपूर्वक आणि सावधगिरीने केला गेला पाहिजे.
जच्या तंत्रज्ञान-आधारित जगात कृत्रिम बुद्धिमत्ता पोलिसांच्या कार्यप्रणालीत आमूलाग्र बदल घडवून आणत आहे. हे आता केवळ चित्रपटाच्या काल्पनिक जगात न राहता आपल्या दैनंदिन जीवनातील एक अपरिहार्य सत्य बनले आहे. गुन्हेगारी घटना घडण्यापूर्वीच त्यांचा अचूक अंदाज बांधणे, गर्दीमध्ये लपलेल्या गुन्हेगारांना त्वरित ओळखणे आणि अत्यंत गुंतागुंतीच्या गुन्ह्यांची रहस्ये झटपट उलगडणे हे सर्व आता केवळ शक्यच नव्हे; तर जगभरातील अनेक शहरांमध्ये प्रत्यक्षात साकार होत आहे.