Fire safety training mishap
esakal
तुम्ही जिल्हा प्रशिक्षण आणि विकास अधिकारी (DTDO) आहात आणि तुम्ही एका शासकीय प्रशिक्षण संस्थेचे प्रमुख आहात. १२० प्रशिक्षणार्थ्यांसाठी आपत्ती व्यवस्थापन व अग्निसुरक्षा यावरील आठवडाभराचा परिचय-प्रशिक्षण (induction) सुरू आहे. संध्याकाळी अग्निशामन (फायर-फायटिंग) प्रात्यक्षिकासाठी घेतलेल्या बाह्य (आउटसोर्स) एजन्सीने केलेल्या कार्यक्रमात योग्य गर्दी नियंत्रण न ठेवणे आणि ज्वलनशील पदार्थांचा निष्काळजी वापर झाल्यामुळे आग लागते. शामीआना (तंबू) पेटतो; अनेक प्रशिक्षणार्थी जखमी होतात, त्यापैकी तिघांची प्रकृती गंभीर आणि एकाची प्रकृती अतिगंभीर आहे.
एजन्सीची निवड प्रामुख्याने सर्वात कमी खर्च (lowest cost) यावर केली गेली; याआधी काही अनौपचारिक तक्रारी आल्या होत्या, तरी त्याकडे दुर्लक्ष झाले.
कोणताही पूर्वजोखीम आढावा (risk assessment) किंवा मॉक ड्रिल झाली नव्हती.
अग्निशामक यंत्रे (fire extinguishers) वेळेवर सर्व्हिस केलेली नव्हती; काही कामच करीत नव्हती.
काही कर्मचाऱ्यांनी हा प्रकार लपवण्याचा प्रयत्न केला आणि सुरुवातीला प्रशिक्षणार्थ्यांना घटना रेकॉर्ड करण्यास किंवा माध्यमांशी बोलण्यास मज्जाव केला.
माध्यमे गंभीर/फौजदारी निष्काळजीपणा असे आरोप करीत आहेत.
जखमींच्या कुटुंबीयांकडून कडक कारवाई, भरपाई आणि फौजदारी गुन्हे दाखल करण्याची मागणी होत आहे.
राजकीय नेतृत्वाकडून अनौपचारिक सल्ला येतो की, “वाद वाढवू नका, जास्त चर्चा टाळा आणि सगळी जबाबदारी एजन्सीवर ढकला.”
तुम्ही घटनास्थळी नसतानाही सुरक्षा, करार-प्रक्रिया आणि संपूर्ण जबाबदारी तुमच्यावर येते. तुम्हाला ४८ तासांत अहवाल आणि शिफारसी सादर कराव्या लागतील.
