डॉ. सदानंद मोरे
महात्मा गांधींनी भांडवलदार उद्योगपती हे संपत्तीचे विश्वस्त असावेत अशी भूमिका मांडली होती, ती बिल गेट्सच्या माध्यमातून साक्षात अवतरली आहे असे म्हणायला हरकत नाही. अर्थात, गांधींनी संपत्तीच्या निर्मितीच्या संदर्भात प्रोत्साहनपर असे फारसे काही म्हटले नव्हते. ती तर माणसाची सहजप्रेरणा आहे, त्याविषयी सांगायचे कारण नाही असेही त्यांना वाटले असावे.
पृथ्वी या ग्रहगोलावरील युरोप खंड, त्या खंडातील विविध राष्ट्रे, त्या राष्ट्रांमधील विशिष्ट देश इंग्लंड, इंग्लंडमधील इंग्रजी भाषा बोलणारे लोक आणि त्यांनी जगभर निर्माण केलेल्या वसाहती, त्या वसाहतींमधील सर्वात सामर्थ्यवान वसाहत म्हणजे अर्थातच अमेरिका.
