Premium|Study Room : भारतीय समाज विषयात MPSC परीक्षेत यशस्वी होण्यासाठी योग्य रणनीतींचा अवलंब कसा करावा?

लेखक : सत्यजित हिंगे

भारतीय समाज विषयात उत्तम गुण मिळवण्यासाठी योग्य रणनीती! महाराष्ट्र लोकसेवा आयोगाच्या (MPSC) नव्या मुख्य परीक्षा अभ्यासक्रमात सामान्य अध्ययन-१ (GS-1) मध्ये भारतीय समाज हा अत्यंत महत्त्वाचा आणि गुण मिळवून देणारा घटक मानला जातो. या विषयामध्ये भारतीय समाजाची वैशिष्ट्ये, विविधता, स्त्रियांची भूमिका, सामाजिक बदल, जागतिकीकरणाचे परिणाम, शहरीकरण, प्रादेशिकता, धर्मनिरपेक्षता यांसारख्या विषयांचा समावेश होतो. प्रशासनिक सेवांमध्ये काम करताना समाजरचना, सामाजिक समस्या आणि बदलांचे आकलन आवश्यक असल्यामुळे या विषयाला विशेष महत्त्व दिले जाते. तसेच GS-1 मध्ये इतिहास, भूगोल आणि समाज या तिन्ही घटकांचा समावेश असल्याने परीक्षार्थ्याने समाजविषयक मुद्द्यांचे सखोल विश्लेषणात्मक आकलन विकसित करणे आवश्यक असते.