Smoking Kills : सिगारेटची सवय मोडण्यात 'महागाई' चा मोलाचा वाटा; संशोधनातून बाब समोर

मुंबई : सिगारेट हे फुफ्फुसाच्या कॅन्सरचे अनेक कारणांपैकी एक कारण आहे ही गोष्ट संशोधनाने सिद्ध केली असली अनेकांना आपलाही सिगारेट सोडविणे शक्य होत नाही. पण आता दिवसेंदिवस वाढत जाणाऱ्या सिगारेटच्या किंमतींमुळे मात्र प्रत्येक चार व्यक्तींमागे १ व्यक्ती सिगारेट सोडत असल्याचे इंग्लंडमधील एका संशोधनातून समोर आले आहे..सहा हजार व्यक्तींचे सर्व्हेक्षण इंग्लंडमधील लंडन कॉलेज युनिव्हर्सिटीने याबाबतचे संशोधन केले आहे. यामध्ये त्यांनी ६ हजार व्यक्तीचे सर्व्हेक्षण केले आहे. यामध्ये त्यांना सिगारेट सोडण्यासाठी त्यांना काय प्रेरित करते या प्रश्नावर आजही त्यांचे उत्तर हे आरोग्यविषयक धोके आहे. परंतु सिगारेट सोडण्यासाठी प्रवृत्त करणारे दुसरे महत्वाचे कारण हे सिगारेटच्या वाढत्या किंमती हे आहे. एक सिगारेट १२०० रुपयांना २० सिगारेट असणाऱ्या पाकिटाची किंमत ही इंग्लंडमध्ये १४ युरो (भारतीय रुपयांमध्ये १२५२ रुपये) इतकी आहे जी २०२६ पर्यंत याची किंमत १६ युरो पर्यंत जाण्याची शक्यता आहे.युके मध्ये सिगारेट किंवा तंबाखूमुळे सर्वाधिक मृत्यू होतात. जागतिक आरोग्य संघटनेने देखील तंबाखू, सिगारेटमुळे होणाऱ्या धोक्यांची माहिती दिली आहे..'लाइफटाइम स्मोकर' ना जावं लागतं अकाली मृत्यूला सामोरेतंबाखू आणि तंबाखूजन्य असलेले घटक शरीरात गेल्याने फुफ्फुसाचे आजार, फुफ्फुसाचा कँसर आणि हृदयरोग होण्याचीही शक्यता असतात. जे 'लाइफटाइम स्मोकर' असतात त्यांना अकाली मृत्यूला सामोरे जावे लागते. भारतात तंबाखूजन्य पदार्थांवर ५२ टक्के टॅक्सभारतातील आकडेवारीचा विचार करता भारतातही सिगारेटच्या किंमती मोठ्या प्रमाणावर वाढताना दिसत आहेत. भारतात सध्या साधी सिगारेट १२ ते १५ रुपयांना मिळते. गेल्या काही वर्षात सरकारने सिगारेट तसेच तंबाखूजन्य पदार्थांवर मोठ्या प्रमाणात टॅक्स लावला आहे. सध्या भारतात सिगारेटच्या पाकिटावर एकूण सरासरी ५२.५ टक्के टॅक्स आकारला जातो. जागतिक आरोग्य संघटनेने प्रत्येक देहाने सिगारेटवर ७५ टक्के कर लावावा असा सल्ला दिला असून त्या तुलनेत भारतात यावर जवळपास २३ टक्के टॅक्स कमी आहे.एक चतुर्थांश लोकांनी सिगारेटच्या किंमती वाढल्याने आम्ही सिगारेट पिणे बंद केलेइंग्लंडमध्ये झालेल्या संशोधनादरम्यान नागरिकांना तुम्ही सिगारेट का सोडली असा प्रश्न विचारला होता. यामध्ये आरोग्यावर सध्या आणि भविष्यात होणाऱ्या दुष्परिणामांच्या शक्यतेमुळे आम्ही सिगारेट सोडली असे निम्म्या लोकांनी सांगितले तर एक चतुर्थांश लोकांनी सिगारेटच्या किंमती वाढल्याने आम्ही सिगारेट पिणे बंद केल्याचे सांगितले.तंबाखू आणि सिगारेट पिणारे गरीब, निम्न मध्यम वर्गातीलअनेक अभ्यासांमधून ही बाब समोर आली आहे की तंबाखू आणि सिगारेट पिणारे लोक हे कमी शिक्षित किंवा अशिक्षित गटातील जास्त आहेत. तसेच ते गरीब , निम्न मध्यम वर्गातील लोकांचे प्रमाण यामध्ये सर्वाधिक आहे. त्यामुळेच अनेकांना आता हा वाढता खर्च परवडत नसल्याचे समोर आले आहे..कोरोनानंतर अनेकांनी सोडली सिगारेटअजित साळुंखे म्हणाले, मी आधी दिवसातून चार ते पाच वेळा सिगारेट ओढायचो पण जश्या जश्या किंमती वाढू लागल्या त्यामुळे माझ्या महिन्याच्या सिगारेटचे बजेट कमी पडू लागले. मी आता दिवसातून तीन वेळा सिगारेट पितो. भविष्यात ही सवय मला पूर्णपणे बंद करण्याची इच्छा असल्याचेही त्यांनी सांगितले.इंग्लडच्या अभ्यासातून सेही समोर आले की, कोरोनाच्या जागतिक महामारीनानंतर फुफ्फुसाच्या आजाराच्या भीतीने अनेकांनी सिगारेट सोडली. त्यामुळे आरोग्य विषयात जागृतीही २०२० ते २०२१ या काळात मोठ्या प्रमाणात झाली.--------------.आमचे प्रश्न वेगळे आहेत असे Gen Z का म्हणते? Delulu आणि solulu केल्याने प्रश्न सुटतात? .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.