का हवे विचारांचे नियम आणि वास्तविक भान !

आज विचारांच्या नियमांना प्रत्यक्षात उतरविण्यासाठी आपल्याला वास्तविकतेचे भान असले पाहिजे. आज जगामध्ये विचारांच्या सिद्धांतावर, मनाच्या शक्तीवर अनेक पुस्तके निघालेली आहेत. जगात अनेक मोठे मोठे वर्कशॉप यावर होताना आपल्याला दिसून येतात. अशा पुस्तकातून आणि वर्कशॉप मधून खूप खूप मोठी स्वप्ने दाखविली जातात...जाणून घ्या या विषयी

एक दोन अपवाद वगळता दाखविलेली स्वप्न (Dreams) आणि क्षमता (Capacity) यामध्ये खूप तफावत असते. त्यामुळेच काही व्यक्ती विचारांच्या नियमांना स्वप्नाळूपणा आणि आभासी विश्व समजतात. विचारांचे नियम आदर्शवादी आणि खूप स्वप्नाळू असतात परंतु प्रत्यक्ष जीवन, जीवनातील संघर्ष, यशापयश हे पूर्ण वेगळे असते. अशा प्रकारे विचारांच्या नियमावर काहीजण टीका करतात किंवा विचारांच्या नियमाकडे दुर्लक्ष करतात. त्यांचेही काही चुकत नाही. नुसती स्वप्ने पाहणे, मोठया विचारात अडकून राहणे, मोठया गप्पा मारणे आणि त्याला प्रत्नांची सांगड नसणे म्हणजे म्हणजे स्वतःला स्वतः धोका देणे असेच होय. (Sakal Premium Story about Balanced Mindset)