Corona Virus : मास्कपासून मुक्ती कधी?

पुणे शहरच (Pune) नाही तर संपूर्ण जगच गेल्या दीड-दोन वर्षांपासून नाक(Nose) आणि तोंड (Mouth) पूर्णतः झाकेल असे मास्क लावून फिरत आहे. सार्वजनिक व्यवहार करताना, रस्त्यांवर फिरताना, कार्यालयात काम करताना आपल्या सगळ्यांना मास्क(Mask) घालणे बंधनकारक आहे. कोरोना (Corona) झाला. त्यात अल्फा(Alpha), डेल्टा(Delta), ओमिक्राँन (omicron) या आणि अशा वेगवेगळ्या विषाणूंच्या व्हेरियंटने (Veriant) जगभर आतापर्यंत थैमान घातला. त्यामुळे मास्क मुक्ती (Mask Free) कधी, हा प्रश्न आता प्रत्येकाला सतावत आहे.((When Will Be Free From Mask and Corona Virus)

देशातील नाही, तर जगभरातील सार्वजनिक आरोग्य क्षेत्रातील तज्ज्ञ आता म्हणत आहे की, कोरोना हा आता एन्डेमिक होतोय. याचे व्हेरियंट भविष्यात येतील. पण, त्याची संसर्ग करण्याची क्षमता कमी राहील. सध्या धुमाकुळ घालत असलेल्या ओमिक्राँन व्हेरियंटचे असंख्य रुग्ण आढळले आहेत. मात्र, त्यामुळे मृत्यूचे प्रमाण अत्यल्प आहे. हा गोष्टीकडे भविष्यात आपल्याला अधिक लक्ष द्यावे लागेल. त्यानंतर कोरोना हा देखिल स्वाइन फ्ल्यूसारखा होईल. यासाठी किती दिवस, महिने की वर्ष लागेल हा आता कळीचा मुद्दा आहे.

कारण, कोरोनामुक्तीचा हा सामना आपल्याला शेवटच्या चेंडूपर्यंत खेळावा लागणार आहे. कोरोना कमी झाला म्हणून थोडे जरी आपण गाफील राहीलो, तर सामना हातातून गेलाच म्हणून समजा. म्हणजे, गर्दी झाली की कारोना वाढला, असे समिकरण तयार होताना दिसते. त्यामुळे शेवटच्या चेंडूपर्यंत कोरोनाविरोधातील हा सामना खेळावा लागणार आहे, याची मानसीक तयारी आता आपण सगळ्यांनी करायला हवी. गेल्या वर्षी दसरा-दिवाळीमध्ये कोरोना कमी झाला होता. त्यानंतर फेब्रुवारीपासून कोरोनाची पुन्हा दुसरी लाट उसळली. ती आता कमी होत आहे. हे चित्र दिलासादायक असले म्हणून पुनहा बेजबाबदारपणे वागून चालणार नाही आणि परवडणार तर त्याहून नाही.