Anahat Singh’s Rise in Squash
esakal
किशोर पेटकर
स्क्वॉश कोर्टवर अनाहतने लहान वयातच मोठी कीर्ती मिळविली. तीन वर्षांपूर्वी चीनमधील हांग् चौंऊ येथे झालेल्या आशियाई क्रीडा स्पर्धेत दोन पदके जिंकली, तेव्हा अनाहत फक्त १५ वर्षांची होती. तेव्हा तिला महिला सांघिक व मिश्र दुहेरी ब्राँझ पदके मिळाली होती. त्यापूर्वी २०२२मध्ये वयाच्या १४व्या तिने बर्मिंगहॅम राष्ट्रकुल क्रीडा स्पर्धेत पदार्पण केले होते.
स्क्वॉशमध्ये ज्युनिअर मुलींच्या स्पर्धेत इजिप्तच्या दीड दशकांच्या वर्चस्वाला यशस्वीपणे शह देताना भारताच्या अनाहत सिंगने जगज्जेतेपदाचा किताब पटकावला. स्क्वॉशमध्ये विश्वविजेतेपदाचा पराक्रम साधणारी १८ वर्षीय अनाहत पहिली भारतीय ठरली. अंतिम लढतीत दिल्लीच्या या जिगरबाज मुलीने इजिप्तच्या रुकाया सालेमवर मात केली. गतवर्षी तिने जागतिक ज्युनिअर स्क्वॉश स्पर्धेत ब्राँझपदकाची कमाई केली होती. यावेळी कॅनडात झालेल्या स्पर्धेत जिद्दीने लढताना पदकाचा रंग सोनेरी केला. २०२८मध्ये होणाऱ्या लॉस एंजलिस ऑलिंपिक स्पर्धेत स्क्वॉश खेळ पदार्पण करेल.
