डॉ. श्रीकांत कार्लेकर
अंदमानच्या सगळ्या सफरीत अंदमान समुद्रात आणि बंगालच्या खाडीत पसरलेल्या देवदुर्लभ सौंदर्याने नटलेल्या काही बेटांवर फिरण्याचा आणि राहण्याचा आनंद घेता आला. मात्र इतर बेटे पाहता न आल्याची हुरहूर अजूनही वाटतेच आहे. अंदमानची सगळी बेटे सुंदर भूरूपांनी आणि दाट जंगलांनी अगदी ओतप्रोत भरून गेली आहेत. ती बघून होणारा आनंद केवळ अवर्णनीय हे मात्र खरे!
