Artificial Intelligence
sakal
मकरंद भोंसले
एआय तंत्रज्ञानाचं अंतिम ध्येय ‘सर्वसाधारण कृत्रिम बुद्धिमत्ता’ प्राप्त करणं हे आहे. सर्वसाधारण कृत्रिम बुद्धिमत्ता म्हणजे अशी एक प्रणाली जी मानवासारखं ‘कोणतंही’ बौद्धिक काम ‘शिकू’ शकेल. ती फक्त एकाच कामापुरती संकुचित न राहता सर्वसमावेशक असेल. भविष्यातील कृत्रिम बुद्धिमत्तेलाही डेटाची गरज भासेलच, पण ती स्वतःच्या अनुभवातून आणि चुकांतून शिकण्याची क्षमता विकसित करेल. अशा कृत्रिम बुद्धिमत्तेमध्ये जटिल परिस्थितीत नैतिक आणि तर्कसंगत निर्णय घेण्याचं कौशल्य असेल.
