Marathi book reviews and memoirs
esakal
सुजित काळे
घर आणि शाळेतील लहानपणीच्या गमतीजमती, मित्रमैत्रिणी, नातेसंबंध, भटकंती, लग्नसमारंभ, खाण्यापिण्याच्या गोष्टी, दैनंदिन कामं, खेळ आणि अभ्यास अशा असंख्य आठवणी ध्रुव भट्ट अतिशय रंजक पद्धतीने सांगतात. लहानपणाचा हा भाग वाचताना प्रकाश नारायण संतांच्या ‘लंपन’ची आठवण येते. मात्र या आठवणी सांगतानाच लेखकाची भाषेशी आणि भाषेच्या सौंदर्याशी होत गेलेली ओळखही तितक्याच हळुवारपणे समोर येते.
आपण एखादी गोष्ट का करतो, याचा शोध कधीकधी मनात नकळत सुरू होतो. रोजीरोटीच्या पलीकडे जाऊन आपण जे काही करतो, ते नेमकं कशासाठी? काय मिळवण्यासाठी? असा प्रश्न जेव्हा मनात उभा राहतो, तेव्हा सहसा एकच उत्तर समोर येतं - आनंदासाठी! आपण सतत आनंदाचाच शोध घेत असतो का? ‘Pursuit of happiness’ म्हणजे नेमकं काय? आणि आनंद म्हणजे तरी काय?