Gen Z Work Culture
esakal
डॉ. वैशाली देशमुख
कधीकधी आश्चर्य वाटतं, की मानसिक स्वास्थ्याविषयी इतकं चिंतन करणारी ही पिढी कामातून मिळणाऱ्या समाधानाला का बरं कमी दर्जा देत असेल? दरवेळी स्वतःच्या फायद्या-तोट्याचा विचार का करत असेल? आपल्या कामाला समजून-उमजून घ्यायला पुरेसा वेळ का देत नसेल? इतरांच्या आनंदात, त्यांना जाणून घेण्यात जो आत्मिक आनंद मिळतो, त्यासाठी नेहमी सामाजिक कार्य करायला हवं असं नाही.
सन २०००मधली एक संध्याकाळ. ऑफिसचा मॅनेजर घाईघाईत येतो आणि एका नुकत्याच नोकरीला लागलेल्या ट्रेनीला सांगतो, ‘समीर, आज तुला जास्त वेळ थांबायला लागेल. मला एक अहवाल आजच्या आज द्यायचा आहे.’ मनातल्या मनात तो ट्रेनी म्हणतो - ‘झालं, आज काही खरं नाही माझं. लग्नाचा वाढदिवस, आणि मी नेमका उशिरा घरी जाणार. पण इलाज नाही, काम महत्त्वाचं. पुढचं प्रमोशन तरी नक्की होईल...’ त्यामुळे बोलताना तो तत्परतेनं म्हणतो, ‘ठीक आहे सर!’
