टोकाचे कौतुक आणि टोकाची टीका झालेली पण जगातील सर्वात महाग चित्र; कोण आहेत हे चित्रकार?

डॉ. सुहास भास्कर जोशी

चित्रकार जॅक्सन पोलॉकला कलारसिक आणि समीक्षक यांच्याकडून कायमच अगदी टोकाच्या प्रतिक्रिया अनुभवायला मिळाल्या. एकीकडं ‘विसाव्या शतकातील सर्वश्रेष्ठ अमेरिकी चित्रकार’ व ‘अप्रतिम सौंदर्यपूर्ण चित्रप्रतिमांची गूढरम्य भाषा मांडणारा प्रतिभावंत’ अशी अफाट स्तुती; तर दुसरीकडं ‘केसांच्या गुंतवळातून निसटलेले केस आणि भाजलेली मॅकरोनी असलेली निरर्थक गलिच्छ कलाकृती’ व ‘एक वेड्या दारुड्याने दारूच्या नशेत कॅनव्हासवर उडवलेले रंगांचे बेछूट फटकारे’ अशी टोकाची भयंकर टीका त्याच्या चित्रांवर पोलॉकला अनुभवायला मिळाली.