सोनिया उपासनी
फाल्गुन महिना येईपर्यंत सकाळी आणि रात्री हवेत थोडा गारठा असतो. त्यामुळे साधारण फेब्रुवारी महिना संपेपर्यंत आपण आपली जॅकेट्स, शाली, स्टोल्स, स्वेटर्स शक्यतो परत बांधाबांध करून ठेवत नाही. मार्च आला की हळूहळू हवेतील गारठा नाहीसा होत जातो आणि हिवाळ्यात बाहेर काढलेले सर्व गरम कपडे, फंक्शनसाठी लागणाऱ्या हेवी साड्या व इतर जड पोशाख परत स्टोअर करून ठेवण्याची वेळ येते.