Jodhpur Family Trip
esakal
सुजाता आ. लेले
आम्ही जोधपूरमध्ये जिथे राहत होतो, ते ठिकाण गावापासून दूर आणि ऐसपैस होते. त्यामुळे बाहेर कुठेतरी फिरण्यापेक्षा आम्ही तिथेच मॉर्निंग वाॅक, दुपारच्या आणि रात्रीच्या जेवणानंतरची शतपावली करत होतो. चालायला आणि निवांत गप्पा मारायला तिथे भरपूर जागा होती. माझ्यासाठी तरी सहलींचे मुख्य ध्येय म्हणजे आराम करणे आणि कुटुंबासमवेत निवांत वेळ घालवणे.
कुठेतरी आराम करायला जाऊ या, तिथे गेल्यावर वणवण भटकंती न करता छानपैकी आराम करू या, असा विचार करत ठिकाण निवडण्यासाठी आम्ही आख्खा भारत डोळ्यांखालून घातला! समुद्र नको, अतिथंड प्रदेशही नको... अखेर जोधपूरला जायचे ठरवले, तेही फक्त आराम आणि गप्पांचा मनमुराद आनंद लुटायला. एक आनंदी आणि निवांत कौंटुबिक सहल करायची, पण मेहरानगढ मात्र बघायचाच, असे आम्ही एकमताने ठरवले.
