Plant Intelligence
sakal
डॉ. वर्षा निंबाळकर
वनस्पतींमध्ये बुद्धिमत्ता, स्मरणशक्ती, निर्णयक्षमता, संवेदना आहेत का, हा वनस्पतींविषयक आधुनिक संशोधनाचा विषय आहे. वनस्पतींच्या उपजत प्रेरणा हा अजूनही संशोधकांसाठी कुतूहलाचा विषय आहे. या स्वरूपाचे प्रयोग भारतीय वनस्पती शास्त्रज्ञ डॉ. जगदीशचंद्र बोस यांनी करूनही आता शंभरावर वर्षे लोटली आहेत. तरीही हा विषय वैज्ञानिकांच्या पूर्णपणे आवाक्यात आला आहे असे नाही.