Female reproductive tract infections and care
esakal
डॉ. संजय गुप्ते
मासिक पाळीदरम्यानच्या स्वच्छतेच्या सवयी विकसित करण्यासाठी किशोरावस्था हा सर्वात महत्त्वाचा टप्पा असतो. या काळात अंगीकारलेल्या सवयी अनेकदा आयुष्यभर टिकून राहतात. याच टप्प्यात मासिक पाळीशी संबंधित अनेक विकार प्रथमच लक्षात येऊ लागतात. ते वेळीच ओळखणे व गरज असल्यास उपचार घेणे आवश्यक असते. मासिक पाळी स्वच्छता व्यवस्थापनातील सर्वात महत्त्वाची बाब म्हणजे योग्य साधनांची निवड. बाजारपेठेत आज विविध पर्याय उपलब्ध असून, प्रत्येकाचे काही फायदे आहेत, तर काही मर्यादा आहेत.