Crispy Sweet Corn Karanji
esakal
सुप्रिया खासनीस
वाढप
मध्यम आकाराच्या १२ ते १५ करंज्या.
साहित्य
तीन वाट्या मक्याचे दाणे, अर्धी वाटी मुगाची डाळ, ७ ते ८ हिरव्या मिरच्या, पाव वाटी बारीक चिरलेली कोथिंबीर, पाव वाटी किसलेले ओले किंवा सुके खोबरे, २ वाट्या मैदा, अर्ध्या लिंबाचा रस, चवीनुसार मीठ व साखर, प्रत्येकी पाव चमचा हळद, मोहरी व हिंग, गरजेनुसार तेल.
कृती
मैद्यामध्ये तेलाचे मोहन घालून मैदा घट्ट भिजवावा. मक्याचे दाणे, भिजवलेली मुगाची डाळ व हिरव्या मिरच्या मिक्सरमधून दाटसर वाटून घ्याव्यात. कढईत तेल तापवून त्यात हळद, मोहरी व हिंग घालून फोडणी करावी. त्यामध्ये मक्याच्या दाण्याचे वाटलेले मिश्रण घालावे आणि चांगले परतून घ्यावे. त्यावर झाकण ठेवून चांगली वाफ आणावी. मग त्यात मीठ व साखर घालून एकजीव करावे व मिश्रण कोरडे होऊ द्यावे. सारण गार झाल्यानंतर त्यात खोबरे, कोथिंबीर व लिंबाचा रस घालावा. मैद्याच्या पाऱ्या लाटून त्यात सारण भरून करंज्या कराव्यात व तेलात तळून घ्याव्यात.
वाढप
४ व्यक्तींसाठी.
साहित्य
दोन मोठ्या वाट्या स्वीट कॉर्न दाणे, अर्धी वाटी मटार दाणे, १ बारीक चिरलेली ढोबळी मिरची, १ बारीक चिरलेला कांदा, २ चमचे आले-लसूण-मिरची पेस्ट, अर्धी वाटी काॅर्नफ्लोअर, २ चमचे बटर, गरजेनुसार पाणी, चवीनुसार मीठ व मिरे पूड
कृती
एक वाटी स्वीट कॉर्न दाणे मिक्सरमधून बारीक वाटून घ्यावेत व उरलेले दाणे बारीक चिरून घ्यावेत. कढईत बटर घालून त्यात आले-लसूण-मिरची पेस्ट परतून घ्यावी. नंतर त्यात बारीक चिरलेला कांदा, मटार व ढोबळी मिरची घालून भाज्या परतून घ्याव्यात. मग मीठ व पाणी घालून मिश्रण शिजवावे. काॅर्नफ्लोअर पाण्यात चांगले कालवून घ्यावे व कढईत थोडे थोडे घालून ढवळून घ्यावे. मिश्रण शिजल्यानंतर मिरे पूड घालावी. सूप दाटसर झाल्यावर गॅस बंद करावा. वरून बारीक चिरलेले मक्याचे दाणे घालून सूप सर्व्ह करावे.
