Premium|Nutritious Paratha Recipes : नाश्त्याला तेच तेच खाऊन कंटाळलात? तुरीच्या दाण्यांपासून मशरूमपर्यंत बनवा 'हे' ८ प्रकारचे पौष्टिक पराठे

मीनाक्षी काटकर

तुरीच्या दाण्यांचा पराठा

साहित्य : दोन मोठ्या वाट्या कणीक, २ वाट्या तुरीचे ओले दाणे, ७ ते ८ हिरव्या मिरच्या, वाटीभर चिरलेली कोथिंबीर,

१ वाटी चिरलेला कांदा, १ चमचा लसूण पेस्ट, १ वाटी तेल, प्रत्येकी

१ चमचा धने पूड, जिरे पूड, हळद, मीठ, जिरे, लाल तिखट, मोहरी, गरजेनुसार पाणी.

कृती : सर्वप्रथम कणीक मळून घ्यावी. तुरीचे दाणे व हिरव्या मिरच्या भाजून मिक्सरमध्ये फिरवून घ्याव्यात. कढईत तेल गरम झाल्यानंतर त्यात जिरे, मोहरी, कांदा, लसूण पेस्ट, हळद, तिखट, धने व जिरे पूड घालून परतावे. नंतर त्यात तुरीच्या दाण्यांचे व मिरचीचे वाटण घालून नीट परतावे व झाकण ठेवून मंद आचेवर शिजू द्यावे. मिश्रण थंड झाले की ते पुरणासारखे कणकेच्या गोळ्यात भरून पराठा लाटून घ्यावा व तेल लावून खरपूस भाजून घ्यावा. लोणचे किंवा दह्याबरोबर पराठा सर्व्ह करावा.