Intellectual Indian analysts discussing global power shifts near digital maps
esakal
गेल्या आठ दशकांपासून अमेरिकेचा जागतिक राजकारणावर प्रभाव आहे. मात्र, काही वर्षांमध्ये चीनचा प्रभाव वेगाने वाढला आहे. अनेक देशांमधील जनतेमध्ये अमेरिकेच्या भूमिकांविषयी नाराजी दिसून येत आहे. जनतेलाही चीनविषयी आकर्षण आहे.
अ मेरिका आणि इस्राईलने २८ फेब्रुवारी रोजी इराणवर हल्ला केल्यानंतर, त्याविषयी वेगवेगळ्या प्रतिक्रिया उमटल्या आहेत. विशेषतः देशांच्या सरकारांकडून राजनैतिक भूमिकांशी सुसंगत प्रतिक्रिया देण्यात आल्या असल्या, तरीही जनतेमधून आलेल्या प्रतिक्रिया टोकाच्या होत्या. त्यामध्ये अमेरिकेने केलेले हल्ले अनाठायी आहेत, अशा भूमिका अनेक देशांमध्ये व्यक्त झाल्या आहेत. इराणवरील हल्ला ही एक भूमिका असली, तरीही अमेरिकेच्या परराष्ट्र धोरणांमुळे या युद्धाच्या पूर्वीपासून जगामध्ये अमेरिकेविरोधी भावना वाढीस लागल्याचे दिसून येत आहे. विशेषतः काही महिन्यांमध्ये जगामध्ये घेतलेल्या वेगवेगळ्या सर्वेक्षणांमध्ये अनेक देशांच्या जनतेने अमेरिकेविरोधात मत व्यक्त केल्याचे दिसून आले आहे.
