Nuclear disarmament agreements
esakal
गौरव बाळे
आंतरराष्ट्रीय सुरक्षाव्यवस्थेत आण्विक शस्त्रनियंत्रण ही जागतिक शांतता आणि स्थैर्य टिकविण्याची अत्यावश्यक अट मानली जाते. शीतयुद्ध काळात अमेरिका आणि सोव्हिएत संघ यांच्यातील शस्त्रस्पर्धेमुळे जगात आण्विक शस्त्रांचा प्रचंड साठा निर्माण झाला होता. १९८० च्या दशकात जगातील एकूण अण्वस्त्रांची संख्या सुमारे ६०,००० पर्यंत पोहोचल्याचा अंदाज व्यक्त केला जातो. या धोकादायक परिस्थितीवर नियंत्रण आणण्यासाठी विविध शस्त्रनियंत्रण करारांची निर्मिती झाली. त्याच प्रक्रियेतील एक महत्त्वपूर्ण टप्पा म्हणजे New START Treaty हा करार होय, जो २०१० मध्ये स्वाक्षरीत होऊन २०११ पासून अंमलात आला.