पोटासाठी माणूस काहीही करायला तयार असतो. पण, कधी-कधी दोन वेळच जेवण मिळत नसल्याने तो अस्वस्थही झालेला पहायला मिळतो. आपल्या पोटाची खळगी भरण्यासाठी अनेक भिकारी आपल्याला रस्त्यावर भिक मागताना दिसतील, तर अनेकजण आपल्या उदरनिर्वाहासाठी काहींना काही काम करतच असतात, तेही केवळ पोटासाठीच! त्यामुळे असा कोणताच व्यक्त नाही, की त्याला भूक लागत नाही. भूक मोठी वाईट असते, ती माणसाला काहीही करायला भाग पाडते. म्हणूनच, जिभेवर आणि भूकेवर ताबा मिळवण्यासाठी जगात जवळजवळ सगळ्याच संस्कृतींमध्ये उपवासाला महत्व दिलंय. अशीच घटना पूर्वी स्वीडनमध्ये घडलीय. स्वीडनचा राजा अॅडॉल्फ फ्रेडरिक एक दिवस इतका जेवला, की त्यातच त्याचा मृत्यू झाला. आता राजाचं जेवण म्हणजे अत्यंत शाही असणार यात काहीच शंका नाही. मात्र, असं असतानाही त्या राजाचा कसा मृत्यू झाला असेल, हे एकूण आपल्यालाही थोडं आश्चर्य वाटलं असेल नाही का?, पण हे खरं आहे.
अॅडॉल्फ फ्रेडरिक कोण होता?
अॅडॉल्फ फ्रेडरिक (14 मे 1710 - 12 फेब्रुवारी 1771) 1751 पासून त्याच्या मृत्यूपर्यंत स्वीडनचा राजा होता. तो ख्रिस्ती ऑगस्ट ऑफ होल्स्टेन-गोटोरप, युटिनचा राजकुमार आणि बाडेन-दुरलाचचा अल्बर्टिना फ्रेडरिकाचा मुलगा होता. अॅडॉल्फने जवळजवळ 20 वर्षे स्वीडनवर राज्य केलं आहे. अॅडॉल्फचा जन्म 14 मे 1710 रोजी जर्मनीच्या गोटोरप, स्लेसविंग येथे झाला. 1727 ते 1750 पर्यंत प्रिन्स अॅडॉल्फ फ्रेडरिक हे लॅबेकचा राजपुत्र-बिशप होते. त्याचा पहिला चुलत भाऊ चार्ल्स फ्रेडरिक यांचं निधन झाल्यावर, ड्यूकचा अनाथ मुलगा चार्ल्स पीटर उलरिक या अल्पवयीन काळात अॅडॉल्फ फ्रेडरिक होल्स्टेन-किलचा प्रशासक बनला. त्यानंतर लगेचच या लहान मुलाला त्याची मावशी, महाराणी एलिझाबेथ यांनी रशियाला आमंत्रित केलं आणि त्याला आपला वारस म्हणून देखील घोषित केलं.
अॅडॉल्फ फ्रेडरिक हॅट गटातील स्वीडनच्या सिंहासनाचा वारस म्हणून निवडला गेला. रशियाच्या महाराणी एलिझाबेथकडून एबोच्या करारावर हॅट गटाला अधिक चांगल्या परिस्थितीची जाणीव व्हावी, यासाठी तिनं आपल्या पुतण्यालाच वारस म्हणून स्वीकारलं. 12 वर्षांनंतर 25 मार्च 1751 रोजी तो राजा अॅडॉल्फ फ्रेडरिक म्हणून यशस्वी झाला. आपल्या 20 वर्षांच्या कारकिर्दीत अॅडॉल्फने इस्टेटच्या अधिपत्यापासून स्वत: ला मुक्त करण्याचा दोनदा प्रयत्न केला होता.
40 दिवसांचा उपवास
फेब्रुवारी महिन्यात ख्रिश्चन लोकांचा लेन्ट सिझन असतो. लेन्ट म्हणजे ईस्टर पूर्वीचे ४० दिवस उपवास करणे किंवा व्रत पाळणे. या ४० दिवसांत ख्रिश्चन लोक मर्यादित आहार घेतात आणि अनेक गोष्टी आहारात वर्ज्य करतात. येशू ख्रिस्त वाळवंटात ४० दिवस होते त्यांच्या या त्यागाची आठवण म्हणून ख्रिश्चन लोक ईस्टरपूर्वी हे व्रत पाळतात. यात श्रोव्ह ट्यूसडेला खूप महत्त्व प्राप्त आहे. श्रोव्ह ट्यूसडे म्हणजे ऍश वेन्सडे (लेन्टचा पहिला दिवस) च्या आधीच दिवस होय. दुसऱ्या दिवसापासून उपवास असल्याने या दिवशी ते खास जेवण करतात. त्या जेवणात विविध प्रकारचे तिखट आणि गोड पदार्थ असतात. हे जेवण खूपच स्वादिष्ट देखील असतं.