Digital overload analysis
esakal
विठ्ठल काळे - mailvitthalkale@gmail.com
जगभरातील माहिती आपल्यासमोर असूनही आपल्याला अजून माहिती पाहिजे. आपला शोध थांबतच नाही. माहितीचा साठा अमर्याद आहे.
तो वाढतच राहणार आहे. मुद्दा हा आहे, की आपण या माहितीच्या जाळ्यातून आपल्याला पाहिजे ते नेमकं कसं मिळवायचं आणि जे आपल्याला नको आहे त्याकडे दुर्लक्ष कसं करायचं?
आता माणसाच्या हातात जादूची कांडी येऊन खूप वर्षं झाली. ती कांडी म्हणजे इंटरनेट. इंटरनेट आलं तेव्हा माणूस चकित झाला. आत्ता आपण कृत्रिम बुद्धिमत्तेचे विविध कारनामे बघून होतो, अगदी तसं. एका सेकंदाचा अवधी, की लगेच मागणी पूर्ण होते. मग याला जादू नाही तर काय म्हणावे!
