Young Author : अवघ्या ११ व्या वर्षी अमायरा चव्हाणने लिहिले ‘द ट्रेल डायरीज’

पारगाव : आंबेगाव तालुक्यातील धामणी गावच्या जाधव परिवाराची नात तसेच माजी मुख्यमंत्री कै. यशवंतराव चव्हाण यांची पणती अमायरा चव्हाण वयाच्या अवघ्या ११ व्या वर्षी ‘द ट्रेल डायरीज’ ही साहसकथा लिहून बालसाहित्याच्या विश्वात दमदार पाऊल टाकले आहे..मुंबई येथील यशवंतराव चव्हाण प्रतिष्ठानच्या रंगस्वर सभागृहात शनिवार (दि. ५) रोजी संपन्न झालेल्या प्रकाशन सोहळ्यात मुंबई महापालिकेच्या अतिरिक्त आयुक्त डॉ. अश्विनी जोशी, राष्ट्रीय आधुनिक कला संग्रहालयाच्या संचालिका निधी चौधरी, प्रसिद्ध चरित्र लेखिका रीता राममूर्ती गुप्ता, महसूल विभागाचे सचिव डॉ. कैलास गायकवाड आणि बालसाहित्यिक राजीव तांबे आदी मान्यवरांच्या हस्ते ‘द ट्रेल डायरीज’ या पुस्तकाचे प्रकाशन झाले..हे पुस्तक देशातील अग्रगण्य प्रकाशन संस्थांपैकी एक असलेल्या पेंग्विन रॅण्डम हाऊसच्या सहसंस्थेने – पारट्रीचने प्रकाशित केले आहे. साहसी आणि कल्पनारम्य कथानक असलेल्या पुस्तकाची लेखिका अमायरा चव्हाण अवघ्या ११ वर्षाची असुन दिल्ली पब्लिक स्कूल (नेरूळ , नवी मुंबई ) येथे इयत्ता सहावीत शिकत आहे. .अमायरा चव्हाण हिचे वडील क्रीडा संघटक ॲड. चेतन दादासाहेब चव्हाण हे माजी मुख्यमंत्री कै. यशवंतराव चव्हाण यांचे नातु आहे तर आई वैशाली चव्हाण – जाधव या मुंबई येथे अतिक्रमण व निष्कासन विभागात उप जिल्हाधिकारी म्हणून कार्यरत आहे. तिचे आजोबा बी. जी. जाधव यांनी धामणीचे सरपंच म्हणून काम पहिले आहे..प्रकाशन सोहळ्यास धामणीच्या सरपंच रेश्मा बोऱ्हाडे, माजी सरपंच बी. जी. जाधव , ग्रामपंचायत सदस्य प्रतिक जाधव, संग्राम जाधव, रोहिदास जाधव, अजित बोऱ्हाडे, प्रमोद वाघ, पहाडदऱ्याचे उपसरपंच कैलास वाघ उपस्थित होते..अमायरा चव्हाण हिच्या या पुस्तकातुन एका नव्या पिढीच्या विचारांचे, स्वप्नांचे आणि कल्पनाशक्तीचे दर्शन घडणार आहे. वयाच्या अकराव्या वर्षीच लेखिका झालेल्या अमायराचे हे पुस्तक नव्या पिढीला नक्कीच प्रेरणादायी असून आम्हा धामणीकर ग्रामस्थांसाठी भुषणावह आहे.रेश्मा बोऱ्हाडे (सरपंच – धामणी ).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.