पुणे जिल्ह्यात दिवसभरात ११६ कोरोना रुग्णांचा मृत्यू

पुणे : पुणे जिल्ह्यात गेल्या साडेतीन महिन्यांमधील कोरोनाबाधितांचे सर्वाधिक मृत्यू रविवारी झाल्याची माहिती सार्वजनिक आरोग्य खात्यातर्फे देण्यात आली. पुणे जिल्ह्यात झालेल्या ११६ पैकी ५३ मृत्यू पुणे शहरातील आहेत. जानेवारीपासून आतापर्यंत झालेले हे कोरोनाचे सर्वाधिक मृत्यू आहेत. पुण्यात डिसेंबरपासून कोरोनाच्या रुग्णांची संख्या सातत्याने कमी झाली. त्या प्रमाणात कोरोनाबाधितांच्या मृत्यूचे प्रमाणही झपाट्याने कमी झाले.

फेब्रुवारीमध्ये जिल्ह्यातील रुग्णांचे मृत्यूचे प्रमाण दोन इतके कमी झाले होते. त्यानंतर कोरोनाच्या रुग्णांची संख्या सातत्याने वाढत गेली. त्यामुळे उपचारांसाठी रुग्णालयात दाखल होणाऱ्या रुग्णांचे प्रमाण वाढले. जिल्ह्यात गेल्या सलग चार दिवसांपासून शंभरहून कोरोनाबाधीत रुग्णांचा मृत्यू झाला असल्याची माहिती आरोग्य खात्यातर्फे देण्यात आली.

फेब्रुवारीतील मृत्यूचा आकडा

तारीख मृतांची संख्या

१ फेब्रुवारी ५

२ फेब्रुवारी ५

६ फेब्रुवारी २

७ फेब्रुवारी ५

८ फेब्रुवारी ५

१३ फेब्रुवारी ४

१४ फेब्रुवारी ४

१५ फेब्रुवारी २

२४ फेब्रुवारी ४

चार दिवसांमधील मृत्यू

तारीख मृतांची संख्या

१५ एप्रिल ११४

१६ एप्रिल १०९

१७ एप्रिल १००

१८ एप्रिल ११६