इंदापूर - इंदापूर येथील कला विज्ञान व वाणिज्य महाविद्यालयाच्या बारावीच्या वर्गातील एका विद्यार्थ्याला वर्गातच मारहाण झाल्याची घटना घडली असून, याप्रकरणी इंदापूर पोलीस स्टेशन येथे सहा जणांविरोधात गुन्हा दाखल करण्यात आला आहे..याबाबत शुभम रोहीदास देवकर (वय-18 वर्ष, व्यवसाय-शिक्षण, रा. बाबाचौक, इंदापुर) याने दिलेल्या फिर्यादीनुसार शुक्रवार (ता.13) रोजी फिर्यादी हा नेहमीप्रमाणे आपल्या इंदापूर महाविद्यालयातील बारावीच्या वर्गात बसलेला असताना सकाळी 11: 45 वाजताच्या दरम्यान महाविद्यालयात कोणत्याही प्रकारचे अॅडमीशन नसताना फिर्यादीच्या ओळखीचे प्रेम काशीद, नितीन चितारे, सोन्या अंधोरे व आम पकाले, विष्णु कांबळे, यश ललीद्र शिंदे यांनी फिर्यादीला कॉलरला धरून वर्गाचे दरवाज्याजवळ आढत नेवुन 'तु आमचे मुलीला मॅसेज का केला? असे म्हणून चापट मारली..त्यावेळी फिर्यादीने कोणत्याही मुलीला मॅसेज केला नाही. असे म्हटले असता सोन्या अंधारे, नितीन चितारे, प्रेम काशीद व आळेम पकाले, विष्णु कांबळे, यश ललींद्र शिंदे यांनी तुला लय मस्ती आली आहे काय, थांब तुझी मस्ती उतरावतो अशी धमकी देवुन फिर्यादीला हाताने लाथाबुक्यांनी तोंडावर, पाठीत मारहाण करून खाली जमीनीवर पाडुन पोटात पाठीवर लाथा मारहाण करून जखमी केले..तसेच सोन्या अंधारे याने तुला कॉलेज सुटलेनंतर दाखवितो अशी धमकी देवुन तेथुन निघुन गेले. यावरून यावरून इंदापूर पोलीस स्टेशन येथे प्रेम काशीद (रा. इंदापुर, ता. इंदापुर) नितीन चितारे, सोन्या अंधोरे (रा. जाधवपाटी, ता. इंदापुर), आम पकाले, विष्णु कांबळे (रा. बाभुळगाव, ता. इंदापुर) व यश ललीद्र शिंदे (रा. इंदापुर) यांचे विरूदध गुन्हा दाखल करण्यात आला आहे. या घटनेचा पुढील तपास पोलीस हवालदार जाधव करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
