लोणावळा - यंदाच्या मान्सून हंगामातल पहिल्याच जोरदार पावसाने शहरातील पायाभूत सुविधांची पोलखोल झाली. दरम्यान, सोमवारी सकाळपर्यंतच्या २४ तासांत शहरात १३१ मिलीमीटर पावसाची नोंद झाली..जोरदार झालेल्या या पावसाने शहरातील अनेक सखल भाग जलमय झाले. तुंगार्ली येथील बद्रीविशाल सोसायटी समोरील रस्त्यावर फूटभर पाणी साचल्याने वाहनचालक आणि स्थानिक नागरिकांची मोठी गैरसोय झाली..मुसळधार पावसामुळे लोणावळा ग्रामीण पोलिस स्टेशनच्या संरक्षक भिंतीलगतचा भराव कोसळल्याची घटना घडली. याशिवाय, कैलास पर्वत हॉटेल, टाटा डक लाइनशेजारील नाल्याची अनेक वेळा तक्रार करूनही साफसफाई केली नसल्याचा आरोप स्थानिक नागरिकांनी केला आहे. नाल्यात गाळ आणि कचरा साचल्याने पावसाचे पाणी वाहून जाण्यास अडथळा निर्माण होत असून, परिसरात पाणी तुंबण्याचे प्रमाण वाढल्याचे नागरिकांचे म्हणणे आहे..दरम्यान, ‘पावसाची शक्यता लक्षात घेता, प्रशासनाने तातडीने पाणी वाहून जाण्याची व्यवस्था सुधारावी. धोकादायक ठिकाणांची पाहणी करून आवश्यक उपाययोजना कराव्यात,’ अशी मागणी नागरिकांकडून करण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
