वेल्हे, (पुणे) - राजस्थानहून पानशेत (ता. राजगड) येथे मामाकडे सुट्टीसाठी आलेल्या चौदा वर्षाच्या मुलाचा पानशेत धरणाच्या सांडव्यात बुडून मृत्यू झाला. तर दुसरा सुदैवाने बचावल्याची घटना आज शुक्रवार (ता. १३) रोजी सकाळी 11 वाजण्याच्या सुमारास घडली..सोहनलाल लकमाराम राईका (वय. १४) मूळचा रहिवासी तहसील पाली, राजस्थानचा असून उन्हाळ्याच्या सुट्टीसाठी तो मामाकडे पानशेत येथे आला होता. या घटनेबाबत मृत मुलाचा मामा राणाराम देवराम देवासी राहणार पानशेत यांनी वेल्हे पोलीस ठाण्यात खबर दिली आहे. याबाबत वेल्हे पोलीस अधिक तपास करीत आहे..वेल्हे पोलिसांनी दिलेल्या माहितीनुसार मृत सोहनलाल व सुमित मांगीलाल नट हे दोघेजण पानशेत धरणाच्या सांडव्यात आंघोळीसाठी गेले गेले होते. पाण्याचा प्रवाह जास्त असल्याने सोहनलाल पाण्यात बुडाला तर सुमित पाण्यात गटांगळ्या घेऊ लागला.दरम्यान रस्त्यावरून जाणाऱ्या प्रवासी अमृत माने व इतर नागरिकांनी पाण्यात दोरी टाकून सुमित यास बाहेर काढले. मात्र सोहनलाल पाण्यात बुडाला. सोहनलाल पानशेत धरणाच्या सांडव्यात मासेखिंड या भागात बुडाल्याची माहिती पोलिसांना कळताच पोलीस ठाण्याचे जवान युवराज सोमवंशी यांनी आपत्ती व्यवस्थापन टीमच्या सदस्यांना मदतीसाठी बोलावले..यावेळी आपत्ती व्यवस्थापन सदस्य गणेश सपकाळ, संजय चोरगे, तानाजी भोसले, निलेश जाधव, निलेश तारू, उत्तम पिसाळ, सनी माने यांनी खोल पाण्यात उतरून मृत सोहनलाल याचा शोध घेतला.शोध मोहीम दरम्यान पाण्याचा प्रवाह जोरात असल्याने शोध मोहिमेस अडथळा येत होता. यामुळे पानशेत धरणातून येणाऱ्या पाण्याचा प्रवाह कमी करण्यासाठी किरण पवार, जगदीश आडे, रामेश्वर राठोड, सागर राठोड सुरक्षारक्षकांनी व पानशेतचे पोलीस पाटील राजेंद्र ठाकर व सहकारी बंटी ठाकर यांनी सहकार्य केले..दरम्यान सोहन लाल यास वेल्हे येथील ग्रामीण रुग्णालयात उपचारासाठी आणले असता उपचारापूर्वी मृत्यू झाल्याची माहिती ग्रामीण रुग्णालयाचे डॉ. चंद्रकांत भोईटे यांनी दिली.मामाकडे सुट्टीसाठी आलेला सोहनलाल हा शाळा सुरू होणार म्हणून शनिवारी (ता. १४) रोजी राजस्थानला जाणार होता मात्र दुर्दैवाने ही घटना घडल्याने कुटुंबावर शोककळा पसरली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
