चायनीस का उघडले या कारणावरुन एका अल्पवयीन मुलीचा विनयभंग केल्या प्रकरणी चौघा विरुध्द गुन्हा दाखल

अल्पवयीन मुलीशी गैरवर्तन; चौघांविरुद्ध गुन्हा
मंगळवेढा, ता. ७ : मंगळवेढ्याच्या ग्रामीण भागात एका १६ वर्षीय मुलीस ‘तू चायनीज का उघडले आहे, ही जागा आमची आहे’, असे म्हणत तिला अश्लील शिवीगाळ केली.. तिच्या मनाला लज्जा वाटेल असे कृत्य केल्याप्रकरणी निर्मला स्वामी, दिलीप स्वामी, शोभा स्वामी, कैलास स्वामी (सर्व रा. भोसे) या चौघांविरुद्ध गुन्हा दाखल झाला.
यातील पीडित मुलगी गुरुवारी (ता. ५) सकाळी १० वाजता तिच्या आत्यासह भोसे येथे चायनीज सेंटर या ठिकाणी गेली असता वरील संशयितांनी तेथे येऊन मुलीला जवळ ओढून टी- शर्ट फाडला व तिच्याशी अश्लील वर्तन केले. शिवीगाळ करत तिच्या मनाला लज्जा वाटेल असे कृत्य केले. दरम्यान, पीडितेची आत्या हिलाही त्यांनी मारहाण केल्याचे दिलेल्या फिर्यादीत म्हटले आहे. याचा अधिक तपास सहायक पोलिस निरीक्षक विनोद लातूरकर हे करीत आहेत.