Pune News : अपघातात पाय गमावलेल्या रायगडच्या होमगार्डला २५ लाखांचा धनादेश

पुणे : अपघातात जखमी झाल्यामुळे पाय गमवावा लागलेल्या रायगड येथील होमगार्ड लक्ष्मण विठ्ठल आखाडे यांना विम्याच्या रकमेपोटी २५ लाख रुपयांचा धनादेश पोलिस महासंचालक (होमगार्ड) डॉ. भूषणकुमार उपाध्याय यांच्या हस्ते सुपूर्द करण्यात आला. होमगार्डसच्या इतिहासात प्रथमच २५ लाखांचा धनादेश देण्याची ही पहिलीच घटना आहे.

मागील पाच सप्टेंबर २२ रोजी होमगार्ड लक्ष्मण आखाडे हे ड्यूटीवर असताना भीषण अपघातात त्यांना एक पाय गमवावा लागला होता. दरम्यान, पोलिस महासंचालक (होमगार्ड) डॉ. उपाध्याय यांनी पोलिस विभागाच्या धर्तीवर पगार खाती उघडून एचडीएफसी बँकेशी विम्याबाबत करार केला आहे. त्यामुळे आता महाराष्ट्रातील होमगार्डस॒ना सर्व विम्याचे लाभ मिळण्यास सुरवात झाली आहे.

मुंबई येथील पोलिस महासंचालक (होमगार्ड) कार्यालयात १६ जानेवारी रोजी आखाडे यांना हा धनादेश प्रदान करण्यात आला. अतिरिक्त पोलिस महासंचालक ब्रिजेश सिंग, रायगडचे पोलिस उपायुक्त अतुल झेंडे, ‘एचडीएफसी’चे अधिकारी कोचर, सावंत यांच्यासह अन्य अधिकारी वेळी उपस्थित होते.