esakal | पुण्यातील काही उद्याने उघडली; पण...
sakal

बोलून बातमी शोधा

पुण्यातील काही उद्याने उघडली; पण...

- शहरातील 204 पैकी 31 उद्याने उघडली

- सकाळी 6 ते 8, सायंकाळी 5 ते 7

पुण्यातील काही उद्याने उघडली; पण...

sakal_logo
By
सकाळवृत्तसेवा

पुणे : शहरातील 204 उद्यानांपैकी 31 उद्याने उघडण्याचा निर्णय महापालिका प्रशासनाने घेतला आहे. सकाळी 6 ते 8 आणि सायंकाळी 5 ते 7 दरम्यान ही आजपासून उद्याने उघडण्याचा निर्णय झाला आहे. त्यानुसार उघडलेल्या पावसाची दखल घेत पुणेकरांची पावले गुरुवारी उद्यानात पडली. 65 वर्षांवरील नागरिकांनी उद्यानांचा वापर करू नये, असेही आवाहन महापालिकेने केले आहे. 

ताज्या बातम्यांसाठी डाऊनलोड करा ई-सकाळचे ऍप

शहरात 204 उद्याने आहेत. महापालिका आयुक्त शेखर गायकवाड यांनी उद्याने उघडण्याचा निर्णय 2 जून रोजी घेतला. त्यानुसार 3 जूनपासून उद्याने उघडणार होती. परंतु, प्रतिबंधित क्षेत्र (कंटेन्मेंट झोन) सोडून उद्याने उघडायची असल्यामुळे उद्याने विभागाने आयुक्तांच्या आदेशाचा बुधवारी अभ्यास केला. त्यानुसार कंटेन्मेंट झोन आणि लगतचा परिसर तसेच लहान आकाराची उद्याने सोडून 31 उद्याने उघडण्यास गुरुवारी झाली आहे, अशी माहिती उद्यान अधीक्षक अशोक घोरपडे यांनी दिली. 

पुण्याच्या बातम्या वाचण्यासाठी येथे ► क्लिक करा

ज्या उद्यानांत जॉगिंग करता येईल, पुरेसे अंतर राखून चालणे शक्य आहे आणि ज्यांचा आकार मोठा आहे, अशा उद्याने पहिल्या टप्प्यात उघडण्यात आली आहेत. सोशल डिस्टन्सिंगच्या नियमांचे नागरिकांनी उल्लंघन केल्यास ती उद्याने बंद करण्यात येतील, असेही घोरपडे यांनी स्पष्ट केले. सामुदायिकपणे व्यायामप्रकार करू नये. धावणे आणि चालणे, याच व्यायाम प्रकारांना परवानगी असेल. उद्यानांतील खेळणी, बाकडे आणि व्यायामाची साधने नागरिकांनी वापरू नये, असेही त्यांनी स्पष्ट केले. 

पुण्याच्या बातम्या वाचण्यासाठी येथे ► क्लिक करा

महापालिकेने परवानगी दिलेली 31 उद्याने 

अनुक्रमांक --------प्रभाग क्र. --------उद्यानाचे नाव - ---------ठिकाण 
1 -----------------21 ---------------दामोदरराव वागस्कर उद्यान -------कोरेगाव पार्क 
2- ---------------21 --------------मंगलप्रकाश उद्यान ----------------बी. टी. कवडे रोड 
3- ---------------1--------------------अय्यप्पा उद्यान ---------------टिंगरेनगर 
4-----------------2---------------------लुंबिनी उद्यान -----------म. हौ. बोर्ड, येरवडा 
5------------------1 -----------------------प्रगती उद्यान ----------टिंगरेनगर 
6------------------1---------------------रोहन शिंदे उद्यान ---------सर्वे क्र. 14,धानोरी
7-----------------1--------------------- सुरेंद्र आनंद उद्यान --------गोकूळनगर, धानोरी
8------------------3--------------स्वामी विवेकानंद उद्यान ----जॉगर्स पार्क, विमाननगर
9-----------------3---------उडाण जैवविविधता उद्यान--------सर्व्हे क्र.119,विमाननगर 
10- -------------5---------दामोदर गलांडे उद्यान ------------------कल्याणीनगर 
11---------------4---------भास्करराव शिंदे उद्यान -----------सर्व्हे क्र. 46, चंदननगर
12---------------5--------शिवाजी महाराज उद्यान ------- ब्रह्मा सनसिटी, वडगावशेरी
13--------------8-----------मारुतराव गायकवाड उद्यान ----------------औंध
14--------------8--------------संजय निम्हण उद्यान --------------सोमेश्वरवाडी, पाषाण
15---------------9-------------विठोबा मुरकुटे उद्यान ---------------सर्व्हे क्र.35, बाणेर
16-------------9------जयभवानी उद्यान -------------सर्व्हे क्र.113, सुतारवाडी, पाषाण
17-------------9-----------पंचवटी वनीकरण ---------------पंचवटी, पाषाण रस्ता 
18-------------14----------संभाजी महाराज उद्यान ---डेक्कन जिमखाना, शिवाजीनगर
19------------14----------कमला नेहरू पार्क उद्यान --- एरंडवणा 
20------------14---------------हिरवाई उद्यान ----------प्रभात रस्ता
21------------10---------------पंडित भीमसेन जोशी उद्यान ---------भुसारी कॉलनी
22-------------12-------------तात्यासाहेब थोरात उद्यान --------------कोथरूड 
23------------13---------------शहीद मेजार प्रदीप ताथवडे उद्यान--- कर्वेनगर 
24------------13-----------------डॉ. श्यामाप्रसाद मुखर्जी उद्यान ---पटवर्धन बाग 
25-------------32---------------पृथक बराटे उद्यान ------------वारजे उड्डाण पुलाखाली 
26-------------13-------------------राजा मंत्री उद्यान -------------एरंडवणा 
27--------------35-------------------बाबूराव वाळवेकर उद्यान ---------सहकारनगर 
28------------40------------------अहल्याबाई होळकर उद्यान ----------कात्रज 
29------------33------------सिंहगड विकास उद्यान --------सर्व्हे क्र.58, वडगाव बुद्रूक
30-------------23---------शहीद हेमंत करकरे उद्यान ---सर्व्हे क्र.15-16, सातववाडी
31-------------41----------स्वामी विवेकानंद उद्यान ---सर्व्हे क्र. 36 कोंढवा 

loading image