पुणे : कोथरुड येथील गांधी भवनामध्ये गुरूवारी सायंकाळी महात्मा गांधी यांच्या पुण्यातिथीनिमित्त आयोजित नागरीकत्व सुधारणा कायद्याविरुद्ध (सीएए) जनआंदोलन करण्यात आले होते. तेथे घोषणा देऊन गोंधळ घालणाऱ्या हिंदू राष्ट्र सेनेच्या जिल्हा संघटकासह 37 जणांना कोथरुड पोलिसांनी अटक केली.
हिंदु राष्ट्र सेनेचे जिल्हा संघटक संतोष उर्फ अण्णासाहेब किसन देवकर (वय 30, रा.फुरसुंगी) यांच्यासह 37 जणांना अटक करण्यात आली. पोलिसांनी दिलेल्या माहितीनुसार, देवकर याने तीस ते चाळीस साथीदारांसह पोलिसांची कोणतीही पूर्वपरवानगी न घेता गांधी भवन येथील सार्वजनीक रस्त्यावर बेकायदेशीरपणे जमाव एकत्र केला. तेथे "वुई सपोर्ट सीएए, एनआरसी', "जय भवानी जय शिवाजी' अशा घोषणा दिल्या.
कोरोनाला घाबरू नका; अशा प्रकारे घ्या काळजी
सहपोलिस आयुक्तांच्या जमावबंदी आदेशाचा भंग करुन तसेच सार्वजनीक शांततेचा भंग केल्यामुळे पोलिसांनी त्यांना अटक केली. या प्रकरणाचा तपास सहायक पोलीस निरीक्षक व्ही.व्ही पाटील करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.