पुणे जिल्ह्यात  4571 नवे कोरोना रुग्ण 

पुणे - पुणे जिल्ह्यात दिवसेंदिवस कोरोनाचे रुग्ण वाढतच आहेत. त्यातच आता उपचारासाठी रुग्णालयात दाखल होणाऱ्या रुग्णांचे प्रमाणही वाढू लागले आहे. परिणामी पुण्यात कोरोना संसर्ग काही केल्या कमी होईनासा झाला आहे. गुरुवारी पुणे जिल्ह्यात 4 हजार 571 नवे कोरोना रुग्ण आढळून आले आहेत. दिवसभरात 4 हजार 617 रुग्ण कोरोनातून पूर्णपणे बरे झाले आहेत. 

ताज्या बातम्यांसाठी डाऊनलोड करा ई-सकाळचे ऍप

दिवसभरात पुणे शहरात 1 हजार 964, पिंपरी-चिंचवड 1 हजार 113, जिल्हा परिषद कार्यक्षेत्रात 1 हजार 124, नगरपालिका क्षेत्रात 272 आणि कॅंटोन्मेंट बोर्डात 98 रुग्ण सापडले. 

पुण्याच्या बातम्या वाचण्यासाठी येथे ► क्लिक करा

दरम्यान, आज 85 रुग्णांचा मृत्यू झाला आहे. मृत्यू झालेल्या एकूण रुग्णांमध्ये पुणे शहरातील सर्वाधिक 45 जण आहेत. याशिवाय पिंपरी चिंचवडमधील 17, जिल्हा परिषद क्षेत्रातील 13, नगरपालिका क्षेत्रातील 8 आणि कॅंटोन्मेंट बोर्डाच्या कार्यक्षेत्रातील दोन रुग्णांचा समावेश आहे. रुग्ण आणि रुग्णांच्या मृत्यूंची संख्याही काल (ता. 16) रात्री 9 वाजल्यापासून आज (ता. 17) रात्री नऊ वाजेपर्यंतची आहे. गेल्या 24 तासांत कोरोनामुक्त झालेल्यांमध्ये पुणे शहरातील 2 हजार 219, पिंपरी चिंचवडमधील 1 हजार 199, जिल्हा परिषद कार्यक्षेत्रातील 820, नगरपालिका क्षेत्रातील 294 आणि कॅंटोन्मेंट बोर्डातील 85 जण आहेत. यामुळे कोरोनामुक्त झालेल्या रुग्णांची एकूण संख्या आता 1 लाख 92 हजार 771 झाली आहे. दरम्यान, आतापर्यंत 5 हजार 451 रुग्णांचा मृत्यू झाला आहे. मृत्यू झालेल्यांमध्ये पुणे जिल्ह्याबाहेरील 192 जण आहेत. 

देशभरातील  बातम्या वाचण्यासाठी येथे क्लिक करा