पुणे - पुणे जिल्ह्यातील सक्रिय कोरोना रुग्णांची संख्या बुधवारी (ता.३) पाच हजारांच्या आत आली आहे. जिल्ह्यात आजअखेर एकूण ४ हजार ९५१ सक्रिय कोरोना रुग्ण शिल्लक राहिले आहेत. यामध्ये पुणे शहरातील १ हजार ६२६ जणांचा समावेश आहे. शहरातील एकूण रुग्णांपैकी ८८५ जणांवर विविध रुग्णालयांत उपचार सुरू आहेत. उर्वरित ७४५ जणांना आपापल्या घरीच विलगीकरण करण्यात आले आहे.
दरम्यान, गेल्या चोवीस तासात पुणे जिल्ह्यात ४७५ नवे कोरोना रुग्ण आढळून आले आहेत. यामध्ये पुणे शहरातील १९८ जण आहेत. याउलट ४८६ जण कोरोनामुक्त झाले आहेत. यामुळे आतापर्यंत तीन लाख ७२ हजार ५५९ जण कोरोनामुक्त झाले आहेत.
पुण्याच्या बातम्या वाचण्यासाठी येथे क्लिक करा
आज दिवसभरात शहरातील सर्वाधिक १९८ रुग्णांबरोबरच पिंपरी चिंचवडमध्ये ७६, जिल्हा परिषद कार्यक्षेत्रात १६७, नगरपालिका क्षेत्रात ३१ आणि कॅंटोन्मेंट बोर्ड क्षेत्रात तीन नवे रुग्ण आढळून आले आहेत. आजअखेरपर्यंत जिल्ह्यात ९ हजार ७८ रुग्णांचा मृत्यू झाला आहे. यामध्ये आज दिवसभरातील ९ जणांचा समावेश आहे. याशिवाय ४३७ रुग्ण हे जिल्ह्याबाहेरील आहेत. आजच्या एकूण मृत्यूंमध्ये पुणे शहरातील एका रुग्णांसह पिंपरी चिंचवडमधील पाच आणि जिल्हा परिषद कार्यक्षेत्रातील तीन रुग्णांचा समावेश आहे. आज नगरपालिका आणि कॅंटोन्मेंट बोर्ड क्षेत्रातील एकाही रुग्णाचा मृत्यू झाला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.