Pune News : 'कुठलाही ईनाम नाही फक्त देवासाठी...' थापलिंगच्या घाटात धावणार ५५१ बैलगाडे

निरगुडसर : ना सेकंद ना निशाण फक्त धावणार नवसाचे बैलगाडे,कुठलाही ईनाम नाही फक्त देवाच्या श्रद्धेपोटी बैलगाडा मालक घाटात बैलगाडे पळवण्याची परंपरा खूप जूनी आहे,नागापूर (ता.आंबेगाव) येथील श्रीक्षेत्र थापलींग खंडोबा देवस्थान यात्रेत दोन दिवसात ५५१ नवसाचे बैलगाडे पळणार आहेत.

नागापूर येथे पौष पौर्णिमा निमित्ताने गुरुवार (ता.२५ ) व शुक्रवार (ता.२६) रोजी श्रीक्षेत्र थापलींग खंडोबा देवाची यात्रा संपन्न होत आहे, त्यानिमित्ताने पहाटे देवाची पूजा, अभिषेक त्यानंतर काठीची मिरवणूक आणि नंतर घाटात पहिल्या दिवशी २८१ तर दुसऱ्या दिवशी २७० असे एकूण नवसाचे ५५१ बैलगाडे पळणार आहेत.

दोन दिवस होणाऱ्या यात्रेची तयारी पूर्ण झाली असून नवसाचे बैलगाडे पळविण्यासाठी सुसज्ज घाट सज्ज झाला आहे. यात्रेकरू साठी जादा एस टी बस ची व्यवस्था करण्यात आली असून पारगाव पोलिसांकडून यात्रेत कडक बंदोबस्त ठेवण्यात आला आहे. तसेच निरगुडसर आरोग्य केंद्रामार्फत आरोग्य सेवा देण्यात येणार आहे.

यात्रेत यंदा सलग सुट्ट्यांमुळे उच्चांकी गर्दी होणार असून गडावर स्टॉल,हॉटेल आदी दुकानाची संख्या वाढली असल्याची माहिती श्री क्षेत्र थापलींग खंडोबा देवस्थानचे अध्यक्ष देवदत्त निकम यांनी दिली.