पुणे - कात्रज-देहूरोड बाह्यवळण मार्गावर चांदणी चौकात पुण्याच्या प्रवेशद्वारावर महापालिकेतर्फे ‘हिंदवी स्वराज्यनिर्मिती शिल्प’ साकारण्यात येणार आहे. यासाठी छत्रपती शिवाजी महाराज याचं ६० फूट उंचीचा पूर्णाकृती ब्राँझ पुतळा उभारण्यात येणार आहे..यासाठी २९ कोटी रुपयांचा खर्च येणार असून, यास आज (ता. ८) पूर्वगणनपत्रक समितीने (इस्टिमेट कमिटी) मंजुरी दिली. निविदा प्रक्रिया पूर्ण होऊन, कार्यादेश दिल्यानंतर वर्षभरात हे स्मारक पूर्ण होणार आहे. महापालिका आयुक्त नवल किशोर राम यांच्या अध्यक्षतेखाली झालेल्या बैठकीत देण्यात आली..स्थानिक भूभाग आणि रचना :वारजेकडे जाणाऱ्या मार्गालगत, मुळशी-कोथरूड उड्डाणपूल आणि सातारा-मुंबई राष्ट्रीय महामार्गाच्या सेवा रस्त्यांच्या मध्ये बावधन खुर्द येथील सर्व्हे क्रमांक १९ व २० मधील सुमारे ५,५४२ चौरस मीटर जागेत हे स्मारक उभारले जाणार आहे..स्मारकात कमळाच्या पाकळ्यांसारखी फवारे असलेले आकर्षक कारंजे, पिवळ्या व लाल खड्यांमधील पदपथ, भव्य प्रवेशद्वार, सीमा भिंती, आरसीसी रिटेनिंग वॉल आणि सुशोभीकरणाची उद्यानविषयक कामे करण्यात येणार आहेत..शिवप्रेमींच्या मागणीनुसार बदलमूळ प्रकल्पात २० फूट उंच पुतळ्याचा प्रस्ताव होता. मात्र शिवप्रेमी आणि केंद्रीय राज्यमंत्री मुरलीधर मोहोळ यांच्या विनंतीवरून पुतळ्याची उंची वाढवून ६० फूट करण्यात आली. त्यानुसार महापालिकेने सुधारित आराखडा तयार केला..या स्मारकातील चौथरा आणि पुतळा दोन्ही कामे एकाच ठेकेदाराकडून पूर्ण केली जाणार आहेत. यासाठी महापालिकेने यापूर्वी मागविलेल्या ६.५६ कोटी रुपयांच्या निविदेला देखील मंजुरी दिली होती. पण पुतळ्याची उंची वाढविण्याची मागणी झाल्यानंतर महापालिकेने पुन्हा आराखडा केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
