पुणे जिल्ह्यात मंगळवारी ६८७ नवे कोरोना रुग्ण; ६ रुग्णांचा मृत्यू

पुणे - पुणे जिल्ह्यात (Pune District) मंगळवारी (Tuesday) (ता.१५) दिवसभरात ६८७ नवे कोरोना रुग्ण (Corona Patients) आढळून आले आहेत. याउलट १ हजार ९१८ जण कोरोनामुक्त (Corona Free) झाले आहेत. अन्य सहा रुग्णांचा कोरोनाने मृत्यू (Death) झाला आहे.

जिल्ह्यातील दिवसातील एकूण नवीन रुग्णांमध्ये पुणे शहरातील ३३४ रुग्ण आहेत. दिवसभरात पिंपरी चिंचवडमध्ये १४६, जिल्हा परिषद कार्यक्षेत्रात १६२, नगरपालिका हद्दीत २९ आणि कॅंटोन्मेंट बोर्ड क्षेत्रात १६ नवे रुग्ण सापडले आहेत.

कोरोनामुक्त झालेल्यांमध्ये पुणे शहरातील सर्वाधिक ९६४ रुग्णांबरोबरच पिंपरी चिंचवडमधील ५५१, जिल्हा परिषद कार्यक्षेत्र ३१४, नगरपालिका हद्दीत ५५ आणि कॅंटोन्मेंट बोर्ड क्षेत्रात ३४ जण कोरोनामुक्त झाले आहेत.

दिवसभरातील एकूण मृत्यूमध्ये पुण्यातील दोन, पिंपरी चिंचवडमधील तीन आणि जिल्हा परिषद कार्यक्षेत्रातील एक मृत्यू आहे. मंगळवारी नगरपालिका हद्दीत आणि कॅंटोन्मेंट बोर्ड क्षेत्रात एकाही रुग्णाचा मृत्यू झाला नाही.