अरे बापरे ! हवेली तालुक्याने गाठला हजाराचा टप्पा

खडकवासला (पुणे) : हवेली तालुक्यात कोरोनाच्या रुग्णांची संख्या काही दिवसांपासून दररोज किमान ५० रुग्ण दररोज वाढत आहेत. तालुक्यातील कोरोनाग्रस्तांची संख्या आज ८० रुग्ण पॉझिटिव्ह सापडले आहेत. तर तालुक्यात सोमवार अखेर रुग्ण संख्या ९९८वर पोचली आहे. हजार रुग्ण संख्येचा टप्पा गाठला आहे. तालुक्यात पुणे व पिंपरी चिंचवड शहरालगत आहे. येथे दाट लोकवस्ती आहे. त्यातील अनेक जण दोन्ही शहरात कामानिमित्त हजारोंच्या संख्येने नागरिक कामानिमित्त बाहेर पडत आहेत. तर अनेकजण या परिसरात कामानिमित्त येत आहेत. नऱ्हे, कोंढवे- धावडे, खानापूर, नांदेड, खडकवासला वाघोली, पिसोळी, मांजरी, लोणी काळभोर औतडे हांडेवाडी, कात्रज परिसरातील वाड्या येथे ही रुग्ण संख्या वाढत आहे. तालुक्यात सध्या 205 सूक्ष्म प्रतिबंधित क्षेत्र आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

"रुग्ण संख्या वाढणाऱ्या गावात नागरिकांनी अधिकची काळजी घेतली पाहिजे. घरात राहून १० दिवसांच्या लॉकडाऊनला सहकार्य करा. अत्यावश्यक कामाशिवाय घराबाहेर पडल्यास अन्यथा कारवाई होईल. असे हवेलीचे उपविभागीय अधिकारी सचिन खरात यांनी सांगितले. तालुका आरोग्य अधिकारी डॉ. खरात यांनी सांगितले की, "तालुक्यात दिवसभरात ८०नवीन रुग्ण सापडले. आतापर्यंत ९९८ जणांना लागण झाली आहे. त्यातील १८जणांचा मृत्यू झाला आहे. ४०१ जण बरे झाले आहेत. तर ५९५ जणांवर उपचार सुरू आहे. यातील तिघेजण गंभीर आजारी आहेत. कोंढवे धावडे व येथील दोघांचा मृत्यू झाला. रुग्ण दुप्पट होण्याचा कालावधी 11 दिवसांवरून 12 दिवस झाला आहे."

आज मंगळवारी पॉझिटिव्ह सापडलेले रुग्ण संख्या - ८०
किरकटवाडी ६
लोणी काळभोर ३
कदम वाकवस्ती ४
मांजरी बुद्रुक ११
होळकरवाडी २
वडकी १
खडकवासला ७
नऱ्हे १०
मालखेड ४
उरुळी कांचन ६
वाघोली १०
गुजर निंबाळकरवाडी १५
जांबुळवाडी १