पुणे : ‘‘पु. ल. देशपांडेंच्या साहित्याला पूरक चित्रे मी रेखाटू शकलो, हा मी भाग्ययोग समजतो. पुलंच्या शब्दप्रवासाचा मी निःशब्द सहप्रवासी आहे’’, अशी भावना ज्येष्ठ व्यंग्यचित्रकार शि. द. फडणीस यांनी मंगळवारी व्यक्त केली..‘ग्लोबल पुलोत्सवा’निमित्त बालगंधर्व कलादालन येथे महाराष्ट्रातील व्यंग्यचित्रकारांनी पुलं आणि त्यांच्या साहित्यास समर्पित केलेल्या व्यंग्यचित्रांच्या तसेच चिंतामणी हसबनीस यांच्या ब्रेल चित्रांच्या विशेष प्रदर्शनाचे आयोजन करण्यात आले आहे..या प्रदर्शनाचे उद्घाटन फडणीस यांच्या हस्ते झाले. त्यावेळी ते बोलत होते. याप्रसंगी महोत्सवाचे स्वागताध्यक्ष, कोहिनूर ग्रुपचे चेअरमन कृष्णकुमार गोयल, महोत्सव संयोजक वीरेंद्र चित्राव, ‘कार्टूनिस्ट कंबाइन’चे अध्यक्ष संजय मिस्त्री, चारुहास पंडित, चित्रकार चिंतामणी हसबनीस आदी उपस्थित होते..Pune Health Department News : आरोग्य विभागात पगार कपातीची मात्रा लागू; ‘बायोमेट्रिक’मुळे उपस्थिती वाढली.यावेळी सागर पवार यांनी काढलेल्या अर्कचित्राचे अनावरण फडणीस यांच्या हस्ते करून प्रदर्शनाचे उद्घाटन करण्यात आले. लोकमान्य सिल्व्हर विंडो क्लब प्रस्तुत सुधीर मोघे दिग्दर्शित ‘या सम हा’ या पुलंवरील चित्रपटाचा आनंद उपस्थितांनी घेतला. फडणीस म्हणाले, ‘‘पुलं हे केवळ विनोदी लेखन करणारे साहित्यिक नव्हते, तर त्यांना सामाजिक प्रश्नांचीदेखील जाणीव आणि भान होते. पुलंच्या व्यक्तिमत्त्वामध्ये टागोरांचे तत्त्वज्ञान आणि चार्ली चॅप्लिनची खेळकर वृत्ती याचा अचूक संयोग दिसून येतो.’’.‘ग्लोबल पुलोत्सवा’निमित्त राष्ट्रीय चित्रपट संग्रहालय येथे पुलंना भावलेल्या चित्रपटांच्या विशेष महोत्सवाचे आयोजन करण्यात आले आहे. लोकमान्य सिल्व्हर विंडो क्लब प्रस्तुत या महोत्सवाचे उद्घाटन ज्येष्ठ नाटककार सतीश आळेकर यांच्या हस्ते झाले. पुलंनी ‘ती फुलराणी’ हे अजरामर नाटक ज्या चित्रपटाने प्रेरित होऊन लिहिले; तो ‘पिग्मेलियन’ हा चित्रपट यावेळी दाखविण्यात आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
