CA Exam : अभिजित गोळे धावडीतील पहिला सीए

भोर - धावडी (ता. भोर) येथील शेतकरी कुटुंबातील अभिजित रामचंद्र गोळे याने शेतीतून शिक्षणाच्या वाटेचा खडतर प्रवास आणि कठीण परिश्रम करून सनदी लेखापाल (सीए) होण्याचे स्वप्न साकार केले. आई-वडिलांचे पाठबळ आणि आत्याच्या मुलांनी केलेल्या मदतीमुळे त्याने यश मिळवले. गावातील पहिला सनदी लेखापाल होण्याचा मान त्याने मिळवला आहे. .इन्स्टिट्यूट ऑफ चार्टर्ड अकाउंटंट ऑफ इंडियाच्या वतीने मे २०२५ मध्ये घेण्यात आलेल्या परीक्षेमध्ये अभिजित गोळे याने यश संपादन केले. त्याचे आई-वडील धावडी गावात पारंपारिक पद्धतीने जिरायती शेती करीत आहेत. ते घेत असलेले कष्ट अभिजित याला बघवत नव्हते. त्याने पदवीचे शिक्षण घेण्यापूर्वीच सनदी लेखापाल होण्याचा निश्चय केला, आणि पहिल्याच प्रयत्नात तो पूर्णही केला..अभिजित याने धावडी गावातील प्राथमिक शाळेत इयत्ता सातवीपर्यंतचे प्राथमिक शिक्षण पूर्ण केले. खानापूर (ता. भोर) येथील सरनोबात शिदोजी थोपटे विद्यालय व कनिष्ठ महाविद्यालयात बारावीपर्यंतचे शिक्षण घेतले. त्यानंतर पुण्यातील जेधे कॉलेजमध्ये वाणिज्य शाखेच्या पदवीर्यंतचे (बीकॉम) शिक्षण पूर्ण केले. पदवीचे शिक्षण घेतानाच अभिजित याने सीएच्या परीक्षेचा अभ्यास सुरु केला..पुण्यातील एका सनदी लेखापालांकडे त्याने कामही करण्यास सुरुवात केली. त्याच्या आत्याचा मुलगा राहुल शिवतरे आणि मुलगी विजया महांगरे यांनी त्यास आपल्या घरी अभ्यासासाठी ठेवले. दिवसभर काम करून सायंकाळी व रात्री एका खासगी अभ्यासिकेमध्ये तासन् तास अभ्यास केला..अखेर त्याने पहिल्याच प्रयत्नात सीए होण्याचे स्वप्न पूर्ण केले. विद्यार्थ्यांनी पॉझिटिव्ह विचार करून प्रामाणिकपणे अभ्यास केल्यास यश नक्की मिळते, असा सल्ला त्याने इतर विद्यार्थ्यांना दिला.माझ्या कष्टासोबत वडिलांकडून शिक्षणाची मिळालेली प्रेरणा, आत्याचा मुलगा राहुल शिवतरे आणि आत्याची मुलगी विजया महांगरे यांनी केलेल्या सहकार्यामुळे मी हे यश संपादन केले.- अभिजित गोळे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.