अभाविपची पश्चिम महाराष्ट्र प्रदेश कार्यकारिणीची बैठक अक्कलकोट मध्ये शनिवार पासून

अभाविपची प्रदेश कार्यकारिणीची बैठक अक्कलकोटमध्ये
अक्कलकोट ः अखिल भारतीय विद्यार्थी परिषद पश्चिम महाराष्ट्र प्रदेश कार्यकारिणीची बैठक शनिवार (ता. २२) अन् रविवार (ता. २३) अक्कलकोट येथील डी ग्रीन व्हिलेज हॉटेलमध्ये आयोजित करण्यात आली आहे. दोन दिवस चालणाऱ्या या बैठकीत १५० युवक प्रतिनिधी सहभागी होणार असल्याची माहिती प्रदेश महामंत्री अथर्व कुलकर्णी यांनी दिली. महाराष्ट्रातील शैक्षणिक अन् सामाजिक परिस्थितीचा आढावा, विद्यार्थी प्रश्नांवरील संघटनात्मक कार्यपद्धती यासह खासगी विद्यापीठांतील बाजारीकरण, शिष्यवृत्तीच्या अडचणी, ‘वंदे मातरम्’ विषयातील ऐतिहासिक कायदा, जेन झी आदी विषयांवर बैठकीत चर्चा होणार आहे. या वेळी प्रदेश सहमंत्री मेघा शिरगावे, अक्कलकोट शहर विद्यार्थी परिषद अध्यक्ष प्रा. शरणय्या मसुती, सहमंत्री समर्थ मुळजे यांच्यासह विद्यार्थी परिषदेचे पदाधिकारी अन् कार्यकर्ते उपस्थित होते. बैठकीसाठी येणाऱ्या युवकांच्या निवासाची व्यवस्था वटवृक्ष देवस्थान भक्तनिवास येथे करण्यात आली आहे. कार्यकारिणीची बैठक डी ग्रीन व्हिलेज हॉटेलमध्ये होणार आहे.